Vendet afrikane planifikojnë të vrasin rreth 700 kafshë të egra për ti shpëtuar pasojave të thatësirës së madhe
12 të vdekur dhe disa të lënduar pasi varka me emigrantë të parregullt fundoset në Kanalin Anglez
Të paktën 12 persona janë mbytur dhe disa janë lënduar, ndërkohë që dy të tjerë rezultojnë të zhdukur pasi një varkë me emigrantë të parregullt është përmbysur në Kanalin Anglez, tha sot ministri i brendshëm francez, Gerald Darmanin, transmeton Anadolu.“Aksident i tmerrshëm ujor në Pas-de-Calais, pranë Wimereux. Numri i përkohshëm është 12 të vdekur, dy të zhdukur dhe disa të lënduar”, shkroi Darmanin në X.Ai vuri në dukje se shërbimet e urgjencës po i përgjigjen incidentit dhe se të gjitha shërbimet qeveritare janë “mobilizuar për të gjetur të zhdukurit dhe për t’u kujdesur për viktimat”.
Ish-lideri britanik i laburistëve: "Po dëshmojmë fshirjen totale të Palestinës"
Ish-udhëheqësi laburist në Britani, Jeremy Corbyn, kritikoi sot ashpër veprimet e fundit ushtarake të Izraelit në Bregun Perëndimor të pushtuar, duke e akuzuar vendin për kryerjen e krimeve të luftës pa u ndëshkuar, transmeton Anadolu.Komentet nga Corbyn vijnë pasi Izraeli po ndërmerr operacionin e tij më të madh ushtarak në territorin e pushtuar që nga viti 2002, një veprim që ka ngjallur shqetësim dhe debat ndërkombëtar.Në një deklaratë në X, Corbyn shprehu alarmin e tij të thellë mbi dhunën e vazhdueshme, duke e inkuadruar atë si pjesë të një fushate më të gjerë, sistematike për të fshirë praninë palestineze në rajon.
Putin mbërrin në Mongoli, vend anëtar i Gjykatës Ndërkombëtare që kërkon arrestimin e kreut rus
Presidenti rus Vladimir Putin ka mbërritur sot në Mongoli, vendi anëtar i Gjykatës Ndërkombëtare sipas urdhrit të së cilës kërkohet arrestimi i tij per krimet ne konfliktin në Ukrainë.Gjatë vizitës së sotme Putin u takua me liderin mongol Ukhnaa Khurelsukh, me të cilin morën pjesë në një ceremoni për trupat ruse e mongole të rënda në përpjekje kundër Japonisë në 1939, për kontrollin e Mançurisë e Kinës verilindore.Mijëra ushtarë u vranë në betejën e përgjakshme ku ndodhet sot kufiri mes Mançurisë e Mongolisë.
Kryerabini izraelit i bën thirrje qeverisë për marrëveshje me Hamasin për shkëmbimin e të burgosurve
Kryerabini sefardik izraelit, Yitzhak Yosef bëri thirrje për një marrëveshje për shkëmbimin e të burgosurve me grupet palestineze në Gaza, edhe nëse ajo është në këmbim të lirimit të mijëra palestinezëve, transmeton Anadolu.Sipas gazetës "Yedioth Ahronot", kryerabini Yosef mori pjesë në funeralin e një prej të burgosurve izraelitë që u gjet i vdekur në qytetin Rafah në jug të Rripit të Gazës.Duke folur për mediat pas funeralit, Yosef tha: "Duhet bërë gjithçka për të shpëtuar njerëzit e rrëmbyer, përfshirë lirimin e qindra apo mijëra njerëzve". Ai nënvizoi se ata duhet të punojnë me të gjitha forcat e tyre për të rikthyer të gjitha pengjet në Gaza.