Peshkopi palestinez: Sulmet izraelite kundër të krishterëve po rriten
Monday, 05 February 2024 18:03
Sipas një peshkopi palestinez, sulmet izraelite kundër klerikëve të krishterë në Kudsin Lindor të pushtuar janë në rritje. Peshkopi i Kishës Ungjillore Luterane, Munib Younan, për Anadolu tha se “ka sulme në rritje kundër të krishterëve dhe vendeve të shenjta të krishtera nga ekstremistët izraelitë”. Peshkopi palestinez tha se qeveria izraelite nuk është serioze në sjelljen para përgjegjësisë të atyre që qëndrojnë pas sulmeve. “Nëse autorët nuk mbahen përgjegjës, ata do të vazhdojnë me sulmet e tyre. Por nëse një person ndëshkohet, kjo do të jetë një pengesë”, theksoi Younan.
