Sekretari i Mbrojtjes së SHBA-së, Lloyd Austin tha se sot kanë filluar të japin përgjigje për sulmin ndaj bazës amerikane, transmeton Anadolu. Austin njoftoi se kanë filluar të japin përgjigjen ndaj sulmit të kryer kundër bazës amerikane në kufirin Siri-Jordani më 28 janar. Sulm në të cilin u vranë tre ushtarë Amerikan ndërsa u plagosën shumë të tjerë.
Kili shpall gjendje të jashtëzakonshme, shkon në 51 numri i të vdekurve si pasoj e zjarrit. Kili ka shpallur gjendjen e jashtëzakonshme ndërsa lufton zjarret e furishme pyjore në të gjithë vendin që kanë vrarë të paktën 51 persona – dhe autoritetet thonë se numri i të vdekurve ka të ngjarë të rritet.
Ushtria amerikane filloi të premten sulme ajrore ndaj 12 objektivave në Irak dhe Siri të grupeve paraushtarake që mbështeten nga Irani. Zyrtarët amerikanë i thanë agjencisë së lajmeve Associated Press se ky është hapi i parë i kundërpërgjigjes ndaj sulmit me dron që vrau në fundjavë tre ushtarakë amerikanë në Jordani.
Sondazhet e reja tregojnë se mbështetja për kryeministrin izraelit Benjamin Netanyahu është gjithnjë e më në rënie. Siç njofton korrespondentja e Zërit të Amerikës nga Jeruzalemi, Linda Gradstein, shumica e izraelitëve të anketuar thonë se ai duhet të largohet pushteti, pasi të përfundojë lufta.
TURQI- Autoritetet turke zyrtarisht kanë arrestuar 25 të dyshuar lidhur me të shtënat gjatë një shërbese në një kishë në Stamboll fundjavën e kaluar, kur u vra një person. Sipas ministrit të Drejtësisë, Yilmaz Tunc, në mesin e të arrestuarve janë edhe dy sulmuesit e dyshuar, që paraprakisht ishin kapur nga policia. Dy sulmuesit e dyshuar besohet se kanë lidhje me grupin militant, Shteti Islamik, tha Tunc përmes një postimi në X, që më herët njihej si Twitter.
