Papa: Hipokrite të tronditesh nëse unë bekoj një homoseksual
Wednesday, 07 February 2024 18:09
Papa Françesku tha sot se është “hipokrite të tronditesh” nga vendimi i fundit i Kishës Katolike për të miratuar bekimet për çiftet e të njëjtit seks. “Askush nuk skandalizohet nëse unë i jap një bekim një biznesmeni që shfrytëzon njerëzit, dhe ky është një mëkat i rëndë. Megjithatë, ata skandalizohen nëse unë i jap një bekim një homoseksuali. Kjo është hipokrizi”, tha Papa në një intervistë metë përjavshmen katolike Kredere, raporton ANSA. Sipas tij, Kisha Katolike dëshiron të jetë “më afër njerëzve të cilëve u shërben”. “Njerëzit vuajnë kaq shumë, dhe ne klerikët ndonjëherë jetojmë në rehati. Është e nevojshme të shihet puna dhe vuajtja e njerëzve”, tha kreu i Kishës Katolike Romake.
