Paralajmërimi në Serbi për bllokimin e pikave kufitare me Kosovën, Policia: Kemi plane operacionale
Vuçiç për raportet me Putin: Nuk i fshihem bashkëpunimit, nuk turpërohem nga kjo
Presidenti i Serbisë, Aleksandar Vuçiç, ka mohuar se ka raporte shumë të ngushta me presidentin rus, Vladimir Putin. Ai po ashtu hodhi poshtë idenë se kandidatura e shtetit të tij për anëtarësim në Bashkimin Evropian ishte një “Kali i Trojës” për Moskën, pavarësisht se shteti i tij ka refuzuar t’iu bashkohet sanksioneve evropiane për shkak të pushtimit rus të Ukrainës, por edhe për shkak të dallimeve të tjera me bllokun.Duke folur në konferencën “Globsec” në Pragë më 31 gusht, Vuçiq tha se ai nuk është takuar apo nuk ka biseduar me Putinin në të paktën dy vjet e gjysmë, që kur trupat ruse nisën pushtimin e Ukrainës në shkurtin e vitit 2022.
Maqedoni e Veriut, interpelancë ndaj kryeparlamentarit për shkelje të doktrinës së shtetit laik
Grupi parlamentar i partisë "E majta" (Levica) në Kuvendin e Maqedonisë së Veriut ka parashtruar interpelancë kundër kryeparlamentarit Afrim Gashi, ku njëra ndër pikave është edhe shkelja e doktrinës së shtetit laik, raporton Anadolu.Deputeti dhe kreu i kësaj partie politike, Dimitar Apasiev, duke sqaruar arsyet e interpelancës së dorëzuar, tha se ajo është bazuar gjithsej në shtatë pika.Duke folur për pikën e parë, shkelja e doktrinës së një shteti laik, Apasiev u shpreh se vetëm kjo është e mjaftueshme për interpelancën ndaj kryeparlamentarit Gashi.
Reagon ashpër Ambasada e SHBA-së pas aksionit në Veri: S’po i mbani premtimet për koordinim, keni instrumentalizuar policinë
Ambasada e SHBA-së në Prishtinë ka përsëritur shqetësimet dhe zhgënjimin e Qeverisë amerikane me veprimet “e vazhdueshme të pakoordinuara të ndërmarra nga Qeveria e Kosovës që vazhdojnë të kenë një efekt të drejtpërdrejtë dhe negativ ndaj pjesëtarëve të komunitetit etnik serb dhe komuniteteve të tjera pakicë në Kosovë.”
Reagimi i palës amerikane vjen pasi Policia e Kosovës ka zhvilluar sot aksion për mbylljen e komunave paralele të mbështetura nga Serbia në veri të Mitrovicës, Zveçan, Zubin Potok dhe Leposaviq.
Kosovë, mësimi i gjuhës shqipe bashkon të rinjtë nga rajoni dhe bota
Mësimi i gjuhës dhe kulturës së popujve të tjerë i bashkon njerëzit dhe i largon stereotipet, pajtohen pjesëmarrësit e Seminarit Ndërkombëtar për Gjuhën, Letërsinë dhe Kulturën Shqiptare (Seminari i Albanologjisë), i cili po mbahet në Prishtinë, raporton Anadolu.
20-vjeçarja Jovana Gogiq nga Kraljeva, studente e vitit të tretë në Departamentin e Studimeve Shqipe në Beograd, po merr pjesë për herë të parë në Seminarin e Albanologjisë.