Sali Berisha këtë të hënë është paraqitur sërish në SPAK, sipas vendimit të gjykatës.
Dhe pavarësisht se kishte thirrur edhe këtë të hënë demokratët për të protestuar para SPAK, i kanë ardhur vetëm 20 apo 30 vetë, shumica nga këta të listave të hapura, që duan t’i vërë Berisha në listë për deputetë.
Kryetari i Lëvizjes Vetëvendosje, njëherit Kryeministri i Kosovës, Albin Kurti, ka thyer rekordin që ishte vendosur nga Presidentja Vjosa Osmani në zgjedhjet e vitit 2021, duke u bërë kështu më i votuari në historinë e Kosovës.
Nga votat e rregullta, votat e mërgatës nga përfaqësitë diplomatike dhe ato përmes postës, numërimi i të cilave po vazhdon akoma, Kurti ka marrë 325 mijë e 61 vota. Osmani në 2021’ën kishte marrë 300 mijë e 756 vota, shkruan Reporteri.net.
Nga votimi i rregullt, Kurti ka marrë 290 mijë e 862 vota.
Në Tiranë vlera e pronave të konfiskuara të krimit të organizuar dhe korrupsionit, sipas vendimeve të Gjykatës së Posaçme të Apelit për vitet 2022-2024 llogariten në vlerë rreth 7,3 mln euro.
Agjencia e Administrimit të Pasurive të Sekuestruara dhe Konfiskuara (AAPSK) ka publikuar për herë të parë një katalog me pasuritë e konfiskuara në 16 qytetet e Shqipërisë.
Ky katalog përmban një listë të detajuar të pasurive të konfiskuara me vendim gjykate të formës së prerë, duke përfshirë informacion të plotë mbi llojin, vendndodhjen dhe statusin aktual të tyre.
Kryetari i Partisë Demokratike, Sali Berisha, do të paraqitet sot në Prokurorinë e Posaçme në orën 10:00 për të zbatuar masën e sigurisë “detyrim paraqitje”, vendosur nga Apeli i GJKKO-së në lidhje me çështjen “Partizani”. Ndërkohë, para Prokurorisë së Posaçme pritet të mblidhen në protestë mbështetës demokratë.
Berisha ka deklaruar më herët se vendimi për masën e sigurisë “detyrim paraqitje” nga Apeli i Posaçëm për çështjen “Partizani” është një krim kushtetues. Ai është shprehur se prokurorët e SPAK kanë kërkuar vendosjen e masave të sigurisë kundrejt tij me arsyetimin se ai po sulmon Prokurorinë e Posaçme dhe gjykatën. /Lapsi
Një operacion masiv i SPAK dhe Policisë së Shtetit ka çuar në arrestimin e tre efektivëve dhe shpalljen në kërkim të një tjetri. Shkëlzen Ruska, shef i krimeve në Himarë, Ervis Alisinanaj, shefi i Krimeve në Komisariatin e Lushnjës, Elvis Dervishi, shefi i Komisariatit të Policisë Kufitare në Sarandë dhe ish-oficeri i policisë, Erdit Hazizaj, janë katër efektivët ndaj të cilëve GJKKO ka lëshuar urdhër arreste. Me vendim të GJKKO që dha masat e sigurisë dhe kërkesë të SPAK, nga hetimet dhe zbërthimet e aplikacionit të koduar “SkyECC” ka dyshime se zyrtarët e policisë ishin përfshirë në grupe kriminale.
