I ndaluar për vjedhje, 46-vjeçari në Tiranë vetëvaret me tuta

Thursday, 13 March 2025 13:43

• Written by /JOQ

Një ngjarje tragjike ka ndodhur në Bllokun e Sigurisë në Tiranë, ku shtetasi 46-vjeçar Donald Greku është gjetur i vetëvarur me një copë rrobe (pjesë tutash) në dhomën e tij.

Ngjarja ka ndodhur rreth orës 01:20, kur punonjësit e shërbimit gjatë një kontrolli rutinë konstatuan se i ndaluari kishte ndërmarrë aktin e vetëvrasjes.

Greku, i cili ishte i ndaluar për veprën penale të vjedhjes, kishte shprehur më herët se ishte përdorues i lëndëve narkotike. Gjatë kontrollit të mjekëve, ai ishte trajtuar me qetësuesin Xanax, ndërsa ishte në mbikëqyrje për shëndetin e tij, pasi nuk ishte i regjistruar si përdorues metadoni.

Rreth orës 00:50, gjatë kontrollit të parë, Greku nuk kishte shfaqur shqetësime, por në kontrollin e radhës rreth 30 minuta

më pas, ai u gjet i vetëvarur. Pas një ndërhyrjeje urgjente nga punonjësit e policisë dhe shërbimit mjekësor, u konstatuan shenja të ndërrimit të jetës.

Policia ka nisur hetimet dhe do të vijojnë veprimet e nevojshme për zbardhjen e ngjarjes.

Ndryshimet e komanduara të bashkiakëve, shkelje e të drejtës së votës së qytetarit

Thursday, 13 March 2025 11:31

• Written by /JOQ

Dorëheqjet e ditëve të fundit të bashkiakëve socialistë dhe emërimet e zëvendësuesve të tyre “të komanduar”, kanë sjellë për fat të keq eliminimin e të drejtës së popullit për zgjedhjen e drejtuesve të tyre lokalë dhe rrjedhimisht reduktim të thellë të përfaqësimit në organet drejtuese.

Këshilli i Bashkisë së Matit është mbledhur sot dhe miratoi dorëheqjen e kryebashkiakut Agron Malaj i cili do të jetë pjesë e listës për deputet në Qarkun Dibër në zgjedhjet e 11 Majit, dhe shpejt e shpejt miratoi kryetarin e ri Myslym Zeneli.

Ndërkohë në Tepelenë është komanduar nënkryetarja aktuale e bashkisë, Julinda Karteri.

Të paktën 3 bashkiakë socialistë janë dorëhequr për të kandiduar në zgjedhjet e përgjithshme të majit, dhe kjo ka bërë që ndryshimet e papritura dhe të komanduara të ngrjenë shqetësime lidhur me demokracinë lokale dhe ndikimin në të drejtën e votës së qytetarëve.

Ekspertët thonë se kjo praktikë merr më shumë rëndësi kur bashkiakët veprojnë për të siguruar ndihmën e administratës për forcimin e pozicioneve partiake, madje është një formë presioni që zvogëlon autonominë e administratës lokale.

Një tjetër aspekt është se “komandimi” i bashkiakëve nënkupton shkeljen e parimeve të autonomisë lokale. Bashkitë duhet të jenë institucione të pavarura dhe të veprojnë në interes të qytetarëve të tyre, por kur ato bëhen të varura nga udhëzimet e partive qendrore, ato humbasin besimin dhe kredibilitetin si instanca që mbrojnë interesat e publikut.

Kjo gjithashtu dëmton lidhjen mes administratës dhe qytetarëve, duke i bërë ata të ndjehen të larguar dhe të paaftë për të ndikuar në politikat që prekin jetën e tyre.

Autonomia e bashkive është e rëndësishme për ruajtjen e një shteti të drejtpërdrejtë dhe për ndihmën në zhvillimin e shoqërisë civile, por duket qartë se kjo nuk përbën rëndësi për qeverinë aktuale.

Rritet volumi i parasë “cash” në qarkullim, 422 mld lekë jashtë bankave shqiptare në janar

Thursday, 13 March 2025 09:00

• Written by /JOQ

Sasia e parave që qarkullon jashtë bankave në vend arriti në më shumë se 422 miliardë lekë apo rreth 4.2 miliardë euro në janar. Në raport me të njëjtën periudhë një vit më parë, paraja “cash” u shtua me 34 miliardë lekë.

Kjo është një dështim i qeverisë në reduktimin e fenomenit të pastrimit të parave të pajustifikuara të korrupsionit apo aktivitetit kriminal.

Ekspertët ankohen se mes këtyre shumave ka para që vijnë nga aktivitete kriminale nga brenda apo jashtë vendit tonë, edhe pse për bizneset dhe individët do të thotë më shumë liri financiare apo reduktim i burokracive bankare.

Totali i parasë që qarkullon në ekonominë shqiptare llogaritet në 1.79 trilionë lekë, ndërsa paraja informale përbën gati 23 për qind. Në vendet e Bashkimit Evropian ky tregues raportohet se nuk e kalon nivelin 9 për qind.

Ekspertë të ekonomisë vlerësojnë se qarkullimi kaq i madh i parave jashtë bankave është shkaku kryesor i zhvlerësimit të euros dhe valutave të tjera.

Kjo “traditë” e pagesave me para në dorë i hap shtigje informalitetit dhe e bën të vështirë luftën ndaj pastrimit të parave, edhe pse autoritetet thonë se po luftojnë fenomenin për të vënë nën kontroll fluksin e lëvizjes së parasë në

Apeli lë 18 vite në burg ish-policin Arjan Tase që vrau me skaf 7-vjeçaren në Himarë

Thursday, 13 March 2025 08:37

• Written by /JOQ

Gjykata e Vlorës ka dënuar me 18 vite burg ish-policin Arjan Tase për tragjedinë e 2 viteve më parë kur ai goditi për vdekje me skaf 7-vjeçaren Jonada Avdia në Himarë.

Apeli mësohet se ka hedhur poshtë kërkesën e tij dhe ka konfirmuar vendimin e mëparshëm, duke lënë Tasen të vuajë 18 vitet e dënimit, megjithëse pritet një reduktim prej një të tretën e periudhës që do të kalojë në burg, sipas nenit 406/1 të Kodit të Procedurës Penale.

Vendimi ka ardhur pas apelimit të Tases, i cili ka kërkuar uljen e dënimit të dhënë nga Gjykata e Shkallës së Parë në Vlorë.

Arjan Tase u shpall fajtor për ‘vrasje me dashje’ kur skafi i tij pranë bregut goditi për vdekje fëmijën, në ngjarjen që shokoi opinionin publik 2 vjet më parë.

Në gushtin e 2022 familja Avdia, me origjinë nga Tropoja, kishte ardhur për pushime në Potam të Himarës, pasi prej vitesh jetonin në Angli, kur fatkeqësisht i goditi tragjedia.