Lajm i mirë për promovimin e kulturës tonë/Shqipëri, muzetë më të vizituar përgjatë vitit 2023
Krahasuar me vitin 2022, numri i vizitave të muzeve në 2023 ka pasur një rritje prej 46% në tërësi. Në krye të muzeve më të frekuentuar sipas ministrisë së Turizmitz dhe Mjedisit është Muzeu Gjergj Kastrioti në Krujë me një numër vizitorësh prej 110 mijë përgjatë gjithë vitit të kaluar. Vendi i dytë ndiqet nga Muzeu Historik Kombëtar i Tiranës, të cilin e kanë vizituar 99.796 mijë turistë. Pavarësisht renditjes së vitit 2023, muzeu i Tiranës ka pësuar një rritje prej 218% në raport me shifrat e vitit 2022. Muzeu Ikonografik Onufri i Beratit për vitin 2023 është parë nga 75,772 mijë vizitorë, duke u rënditur në vend të tretë për nga vizitueshmëria. Për më tepër kjo shifër ka një rritje prej 694% nga viti 2022.
Ashtu siç tha edhe hoxhë Shefqet Krasniqi "Jemi afër vdekjes"/ Përplaset nga makina bashkëshorti i këngëtares Shkurte Fejza, fatmirësisht jashtë rrezikut për jetën
Hajrush Behluli, bashkëshorti i këngëtares së njohur Shkurte Fejza është aksidentuar nga një makinë sot në Prizren, teksa ishte duke ecur në rrugë. Lajmin e ka konfirmuar për Telegrafin, vajza e tij, Gresa Behluli. “Po është goditur nga një veturë, por është në gjendje të mirë shëndetësore”, tha shkurtimisht ajo. Zëdhënësi i Policisë së Kosovës për Rajonin e Prizrenit, Shaqir Bytyçi konfirmoi për Telegrafin rastin, duke thënë se Behluli është goditur derisa ishte duke kaluar rrugën.“Sot me datë 23.02.2024 rreth orës 10:50 është raportuar për një aksident trafiku. Aksidenti ka ndodhur në rrugën ‘Adem Jashari’, deri te aksidenti ka ardhur kur këmbësori ka qenë duke e kaluar rrugën dhe është goditur nga një automjet. Viktima ka pësuar lëndime të rënda por jashtë rrezikut për jetë”, tha ai.
Vrasja makabre e Navalnyt një hije e zezë e totalitarizmit post komunist Rus
Vdekja e kryeopozitarit rus Alexei Navalny mbetet ende mister, teksa autoritete ruse nuk kanë dorëzuar trupin e pajetë të familjarët si dhe nuk kanë pranuar një hetim të hapur ndërkombëtar. Autoritetet e burgut thanë në fillim se shkak ishte bërë një trompozë që Navalny kishte pësuar, pasi ishte ndjerë keq teksa po shëtiste brenda burgut. Më pas, disa kanale në “Telegram” ngritën dyshimet se një ditë para vdekjes së Navalnyt, në koloninë penale ku ai mbahej në Siberi, kishte patur prezencë të shtuar të agjentëve rusë.
Avioni i parë luftarak i prodhuar në Turqi përfundon me sukses fluturimin e parë
Avioni i parë luftarak i prodhimit vendas i Turqisë, KAAN, përfundoi me sukses sot fluturimin e tij fillestar, si pjesë e projektit të forcimit të aviacionit që vendi filloi në vitin 2016. Kompania turke “Turkish Aerospace Industries Inc.” (TUSAS) nënshkroi një kontratë me firmën britanike “BAE Systems plc” me vlerë 125 milionë dollarë në vitin 2017 për të zhvilluar një lloj avioni luftarak të gjeneratës së ardhshme. TUSAS ndau një video që tregon avionin luftarak duke u ngritur dhe më pas duke u kthyer në një bazë ajrore në veri të Ankarasë.
Izraeli po lufton të mbylli Al jazeeran / Janë përgatitur “procedurat e nevojshme” për mbylljen e televizionit Al Jazeera-tha ministri israelit
Ministri izraelit i Komunikimeve, Shlomo Karhi, ka bërë të ditur se qeveria ka përgatitur “procedurat e nevojshme” për të mbyllur televizionin Al Jazeera të financuar nga Katari, transmeton Anadolu. Kjo erdhi gjatë një seance të mbajtur nga Komiteti i Sigurisë Kombëtare në Knesset (parlamenti izraelit) për të diskutuar një projektligj që i mundëson ministrit Karhi “të urdhërojë mbylljen e një medie nëse zbulohet se dëmton sigurinë kombëtare”. “Ne përgatitëm procedurën e nevojshme për mbylljen e televizionit Al Jazeera. Ka çështje të tjera që neve mund të na duhet t’i adresojmë”, tha Karhi.