Bojkoti funksionon/KFC mbyll 537 dyqane në Turqi dhe shpall falimentin
Is Gida, ish-pronari dhe operatori i restoranteve KFC dhe Pizza Hut në Türkiye, ka falimentuar me një borxh prej 7,7 miliardë lirash turke (214 milionë dollarë). Drejtori i Përgjithshëm i kompanisë, Ilkem Sahin, në një deklaratë në fillim të kësaj jave, tha: “Tani që është në lajme, mund të them qartë se realiteti me të cilin përballemi sot është një borxh prej miliarda lirash turke, pasuri të paluajtshme të kompanisë të sekuestruara nga bankat dhe institucionet shtetërore, përfshirë fabrikat tona, dhe të gjitha kursimet e mia që kam lënë peng si kolateral".
Elon Musk bën thirrje për ristrukturim të NATO-s në një kohë kur kundërshtarët kryesor fuqizohen ndjeshëm
Sipërmarrësi miliarder Elon Musk ka bërë thirrje për një ristrukturim rrënjësor të NATO-s. Vërejtjet e tij, të postuara në mediat sociale, vijnë ndërsa tensionet gjeopolitike përshkallëzohen në mbarë botën dhe shqyrtimi mbi shpenzimet ushtarake të SHBA-së intensifikohet. Deklarata e Musk se, "NATO ka nevojë për një rishikim", u bë në përgjigje të komentit të senatorit amerikan Mike Lee se "Lufta e Ftohtë ka përfunduar. NATO është anakronike.”
Prindërit e 16 vjeçares që u vetëvra në Gjirokastër: Na tha si do duroj 6 orë në klasë?!
Shtëpia është bosh për prindërit e Irsa Muçollarit. Pikëpyetjet se çfarë e çoi 16-vjeçaren në vetëvrasje të hënën e shkuar kanë përgjigje të pazbuluara ende, veçse vërtiten në mendjet e tyre dyshime për bullizmin në shkollë. Mamaja e Irsës, Mirela Muçollari thotë: “Do më mbetet peng tërë jetën dhe në kokën time kam vetëm ‘PSE? PSE?’. Kush ma mërziti kaq shumë dhe nuk e kuptoi asnjë njeri? Ne e donim aq shumë. Unë për atë jetoja për atë punoja! Të gjesh fëmijën kur vjen nga puna në atë gjendje. I dhashë frymë, nuk e shpëtova!”.
Xhamia Ballijes në Elbasan, mes 5 objekteve më të bukura të kultit në botë
Xhamia Ballijes në Elbasan është një arritje e jashtëzakonshme për arkitekturën shqiptare dhe një përfaqësuese dinjitoze e fushës së arkitekturës fetare në Shqipëri. Përzgjedhja e saj si një nga 5 objektet më të bukura të kultit në botë dhe arritja në finalen e çmimit prestigjioz “Ndërtesa e Vitit 2025” nga ArchDaily është një moment krenarie dhe një njohje ndërkombëtare për qytetin e Elbasanit dhe për arkitekturën shqiptare në përgjithësi.
Trump shprehet se nëse do varej nga ai, do të kishte "një qëndrim të ashpër" ndaj Gazës
Presidenti amerikan Donald Trump tha se do të mbante një qëndrim "të ashpër" për Rripin e Gazës "nëse do të ishte në dorën time" përpara afatit përfundimtar të fundjavës. "Nuk e di se çfarë do të ndodhë në orën 12. Nëse varet nga unë, do të mbaja një qëndrim shumë të ashpër. Unë nuk mund t'ju them se çfarë do të bëjë Izraeli", u tha Trump gazetarëve në Zyrën Ovale.