Anëtarja e Dhomës së Përfaqësuesve: E turpshme vetoja e SHBA-së në KS-OKB për armëpushim në Gaza

Monday, 11 December 2023 14:02

• Written by AA

Anëtarja e Dhomës së Përfaqësuesve të SHBA-së, Alexandria Ocasio-Cortez e ka quajtur "të turpshme" veton e vendit të saj në Këshillim e Sigurimit të Kombeve të Bashkuara (KS-OKB) ndaj projekt-rezolutës në të cilën kërkohej armëpushim urgjent humanitar në Gaza.

Përmes një postimi nga llogaria e saj në median sociale X, Cortez reagoi ndaj vetos së SHBA-së në KS-OKB për projekt-rezolutën në të cilën kërkohej armëpushim urgjent humanitar në Gaza.

"E turpshme. Administrata e Bidenit e cila vendos veton e vetme ndaj thirrjes së OKB-së për armëpushim dhe injoron pa rezerva Kongresin e SHBA-së për të mbështetur bombardimet pa dallim në Gaza, tashmë nuk mund të pajtojë më me asgjë shqetësimet e saj për palestinezët dhe të drejtat e tyre të njeriut", tha Cortez në postimin lidhur me veton e SHBA-së.

- Thirrja për armëpushim urgjent në Gaza u bllokua me veton e SHBA-së

SHBA-ja vendosi veto ndaj projekt-rezolutës më 8 dhjetor në KS-OKB e cila kërkonte armëpushim urgjent në Rripin e Gazës.

Projekt-rezoluta e bashkëparaqitur nga më shumë se 90 vende, përfshirë Emiratet e Bashkuara Arabe dhe Türkiye-n, u votua në seancën urgjente që u mbajt në KS-OKB.

Ndaj projekt-rezolutës abstenoi Britania e Madhe ndërsa 13 vendet e tjera anëtare votuan pro.

Burimi: AA

Unioni Botëror i Dijetarëve Muslimanë thirrje të gjithë botës për grevë globale për Gazën

Monday, 11 December 2023 13:55

• Written by AA

Unioni Botëror i Dijetarëve Muslimanë i bëri thirrje të gjithë botës që të shkojë në grevë globale për të ndalur sulmet e Izraelit kundër Rripit të Gazës nën bllokadë.

Unioni ka bërë një deklaratë me shkrim lidhur me grevën globale që do të fillojë sot.

"U bëjmë thirrje të gjithë popujve të botës, kryesisht botës islame, që më 11 dhjetor të nisin një grevë dhe ta vazhdojnë këtë grevë nga të gjitha institucionet, partitë, lëvizjet dhe figurat e rëndësishme të botës derisa të arrijë qëllimin e saj. Shpresojmë që të ndalë luftën e padrejtë dhe të sigurojë shpëtimin e njerëzve të pafajshëm", thuhet në deklaratë.

Bojkoti i popujve dhe institucionet e bamirësisë i kanë përmbushur detyrat e tyre lidhur me çështjen e ndihmës, por Këshilli i Sigurimit të Kombeve të Bashkuara nuk ka mundur të marrë vendim për ndalimin e luftës, thuhet në deklaratën ku theksohet se "Duke marrë parasysh veton e SHBA-së që anulon miratimin e këtij vendimi nga shtetet, rregullorja e vetos duhet të rishikohet dhe vendimet duhet të merren me votën e shumicës absolute".

"Si union, ne u bëjmë thirrje vendeve të botës dhe popujve të vendeve që mbështesin sulmet e Izraelit, që të marrin pjesë në grevën gjithëpërfshirëse e cila do të paralizojë të gjitha fushat e jetës", thuhet në deklaratën ku vihet theksi se komuniteti ndërkombëtar ka dështuar në marrjen e vendimit për të ndalur gjakderdhjen në Rripin e Gazës.

Më tej në deklaratë kërkohet që greva gjithëpërfshirëse të vazhdojë derisa administratat t‘i përgjigjen kërkesave të popullit dhe të ndalojnë persekutimin në territoret palestineze dhe ndër të tjera theksohet se greva është një mjet legjitim si në fe ashtu dhe në të drejtën ndërkombëtare.

Në anën tjetër, Sekretari i Përgjithshëm i Unionit, Ali Muhyiddin Al-Qaradaghi, theksoi se thirrja e unionit për grevë globale është një mesazh i dhënë ndaj të gjithë botës për mbështetjen e çështjes palestineze dhe për ndalimin e luftës në Gaza.

Greva është bërë një opsion i rëndësishëm proteste për shkak se komuniteti ndërkombëtar ka dështuar të ndalojë luftën në Gaza, deklaroi Al-Qaradaghi, duke ftuar muslimanët që mund të kontribuojnë në suksesin e kësaj fushate, duke bërë ftesë për grevë dhe duke përcjellë mesazhin në mënyrë të qartë dhe transparente.

"I ftoj të gjithë që të jenë aktivë në grevën gjithëpërfshirëse dhe që të qëndrojnë të gjithë së bashku kundër padrejtësisë dhe persekutimit", deklaroi Al-Qaradaghi.

Burimi: AA

Rabini anti-izraelit, Feldman: Para shpikjes së sionizmit, jetonim në paqe në Palestinë

Monday, 11 December 2023 13:52

• Written by AA

Rabini amerikan, Dovid Feldman tha se përpara shpikjes së sionizmit, jetonin në paqe në Palestinë.

Në një prononcim për Anadolu në "Samitin Evropian për Palestinën" të mbajtur në Pallatin Çirağan në Istanbul, rabini Feldman nga Organizata Anti-Zioniste Hebreje Neturei Karta International (NKI) shpjegoi dallimin midis judaizmit dhe sionizmit.

Rabini ortodoks anti-izraelit Feldman, i cili erdhi në Istanbul nga New Yorku për të marrë pjesë në samit, tha: "Judaizmi është një fe, thjesht një fe, nuk përfshin politikën. Ndërsa sionizmi është lëvizje politike, ka të bëjë me nacionalizmin dhe nuk përfaqëson fenë hebraike. Për fat të keq, njerëzit mendojnë se të dyja janë të njëjta dhe se të gjithë hebrenjtë mbështesin Izraelin, por nuk është kështu".

Sipas tij, shumë hebrenj në mbarë botën kundërshtojnë krimet e kryera nga shteti i Izraelit. Feldman tha se ekzistenca aktuale e shtetit të Izraelit është kundër besimit hebre dhe për këtë arsye ata kundërshtojnë ekzistencën e shtetit të Izraelit.

Duke thënë se ka qindra mijëra hebrenj anti-sionistë në botë që mendojnë si ai, Feldman tha se ekziston një komunitet shumë i fortë anti-sionist në New York.

"Ne themi se çdo gjë që i është bërë Palestinës është e gabuar. Të gjitha këto krime, vrasje, vjedhje, shtypje janë zbatuar ndaj gjithë popullin që në fillim. Ky nuk është një gjenocid që ne e kemi parë vetëm sot, në dy muajt e fundit. Okupimi i Palestinës ishte i gabuar që në fillim, është një krim", tha ai.

Duke nënvizuar se veprimet e Izraelit janë krime jo vetëm sipas ligjit ndërkombëtar, por edhe në aspektin e judaizmit, Feldman tha: "Tora i ndalon të gjitha këto krime". Feldman thekson se edhe nëse Izraeli nuk do të kishte kryer krime dhe njerëzit në rajon do të jetonin në paqe, ata përsëri do ta kundërshtonin Izraelin për shkak të mësimeve hebraike.

Ai thotë se baza e mësimeve hebraike bazohet në qëndrimin e hebrenjve në mërgim. Feldman tha se sipas bindjeve të tyre, është e ndaluar për ta që të luftojnë kundër vullnetit të "Zotit" dhe të krijojnë një shtet sovran.

"E gjithë kjo duhet të përfundojë. Nëse ne e ndalojmë këtë pushtim plotësisht, shpresoj në mënyrë paqësore dhe pa lejuar askënd të vuajë, ne do të shohim edhe një herë paqen që ekzistonte në të kaluarën. Para shpikjes së sionizmit, ne jetonim në paqe në Palestinë dhe kjo mund të ndodhë në të ardhmen. Shpresoj se do të ndodhë".

Feldman tha se ata duan "zgjidhje të një shteti në të cilën nuk ka okupim, asnjë shtypje dhe të gjitha të drejtat u kthehen të gjithë njerëzve indigjenë". Ai thotë se muslimanët, të krishterët dhe hebrenjtë janë pjesë e popullsisë indigjene të Palestinës dhe se lëvizja sioniste nuk përfaqëson popullin hebre.

Lidhur me referencat e vazhdueshme të kryeministrit izraelit Benjamin Netanyahu për "tekstet e shenjta" në ditët kur filluan sulmet izraelite në Gaza, Feldman tha: "Kjo është hipokrizi e plotë. Netanyahu është person laik. Lëvizja sioniste është lëvizje laike. Ata përdorin fenë që refuzojnë të ndjekin. Ata e keqpërdorin atë për të justifikuar krimet që janë të ndaluara në atë fe. Kjo nuk ka kuptim dhe është hipokrizi e plotë".

- NKI anti-izraelite

Sulmet e Izraelit në Gaza janë kritikuar ashpër gjithashtu nga disa grupe hebreje. Neturei Karta International, një organizatë e përbërë nga hebrenj ortodoksë me seli në SHBA, është një nga grupet që bën kritikat më të ashpra ndaj Izraelit.

Anëtarët e NKI-së, emri i të cilëve u dëgjua shpesh me protestat e tyre gjatë sulmeve të mëparshme të Izraelit në Gaza, i shkruan një letër ish-presidentit amerikan, Donald Trump pas vendimit të tij për të zhvendosur ambasadën e SHBA-së nga Tel Avivi në Kuds, duke shprehur mendimet e hebrenjve ortodoksë dhe duke e kundërshtuar këtë.

Anëtarët e NKI-së shpjegojnë në platforma të ndryshme dhe në ngjarjet që marrin pjesë se sionizmi është ideologji që nuk përfaqëson judaizmin.

Burimi: AA

Qeveria e Palestinës: Hamasi është pjesë e hartës politike dhe Izraeli nuk mund ta eliminojë këtë

Monday, 11 December 2023 13:47

• Written by AA

Kryeministri i Palestinës, Mohammad Shtayyeh tha se Hamasi është pjesë e hartës politike dhe se Izraeli nuk mund ta eliminojë këtë.

Gjatë një fjalimi në Forumin e 21-të të Dohas në Katar, Shtayyeh tha se palestinezët janë të shqetësuar për situatën e tyre aktuale dhe jo për të ardhmen. Ai përsëriti thirrjen për të ndalur gjenocidin ndaj popullit palestinez në Rripin e Gazës i cili ndodhet nën bllokadën dhe sulmet izraelite.

Shtayyeh vuri në dukje se ndërtimi i të ardhmes së Palestinës do të jetë i mundur vetëm me dakordim lokal.

Pasi nënvizoi se nuk kanë hequr dorë nga Hamasi, kryeministri palestinez shtoi: "Është e rëndësishme që Hamasin ta shohim si pjesë të hartës politike në Palestinë. Ndërsa pretendimi i Izraelit se do të eliminojë Hamasin nuk do të realizohet. Ne këtë e refuzojmë".

Ai theksoi se duan zgjidhje politike gjithëpërfshirëse për popullin e Palestinës i cili prej 75 vitesh përjeton dhimbje dhe se gjëja e vetme për të cilën kanë nevojë është përfundimi i pushtimit.

"Konflikti në territorin palestinez kërkon zgjidhje politike, jo zgjidhje ekonomike apo ushtarake", potencoi Shtayyeh duke shtuar se qeveria izraelite e cila u drejtohet rrugëve ushtarake ka dështuar çdo herë. Ai thotë se Izraeli i cili nuk ka realizuar asnjë objektiv politik të tij dhe se përpiqet të vrasë çdo gjë që i del para syve në Gaza.

Duke tërhequr vëmendjen se dy të tretat e mbi 17 mijë palestinezëve të vrarë në Rripin e Gazës brenda 60 ditëve përbëhen nga gra dhe fëmijë, Shtayyeh rikujtoi se në luftën që vazhdon në Ukrainë prej 600 ditësh kanë humbur jetën 7 mijë persona.

Kryeministri palestinez kritikon Gjykatën Ndërkombëtare Penale (GJNP) për vonesë në kërkimin e llogarisë ndaj Izraelit dhe tha se duhet të vendoset menjëherë drejtësia për krimet e kryera në territoret palestineze.

Burimi: AA