Numri i vdekjeve palestineze nga sulmet izraelite në Rripin e Gazës ka arritur në të paktën 16.248.
Zyra për media e qeverisë në Rripin e Gazës njoftoi se numri i viktimave përfshin 7.112 fëmijë dhe 5.885 gra, ndërkohë më shumë se 43.616 palestinezë janë plagosur.
Emiri i Katarit, Sheikh Tamim bin Hamad Al-Thani, tdeklaroi sot se Rripi i Gazës nuk është çështje e sigurisë izraelite.
Ai u adresua në hapjen e samitit të 44-të të Këshillit të Bashkëpunimit të Gjirit (GCC), i cili po mbahet në kryeqytetin e Katarit, Doha.
“Sfida nuk qëndron në zgjidhjen e çështjes së Gazës sikur ajo të jetë çështje sigurie e veçantë apo izraelite që kërkon aranzhim sigurie që ia nënshtrojnë Rripin kërkesave të saj”, tha emiri.
“Zgjidhja më tepër qëndron në përfundimin e okupimit (izraelit) dhe zgjidhjen e çështjes së popullit palestinez”, shtoi ai.
Samiti i GCC-së mbahet mes sulmeve të pamëshirshme ajrore dhe tokësore izraelite në Rripin e Gazës pas sulmit ndërkufitar nga Hamasi më 7 tetor. Të paktën 15.899 palestinezë janë vrarë dhe më shumë se 42.000 të tjerë janë plagosur, sipas autoriteteve shëndetësore në Rripin e Gazës.
Sipas shifrave zyrtare, numri i të vdekurve izraelitë është 1.200.
Që nga themelimi i bllokut në vitin 1981 e deri më tani janë mbajtur 44 Samite të GCC-së.
Blloku i Gjirit përbëhet nga Katari, Bahreini, Emiratet e Bashkuara Arabe (EBA), Arabia Saudite, Omani dhe Kuvajti.
Burimi: AA
Presidenti turk Recep Tayyip Erdoğan dënoi sot "krimet e luftës" të Izraelit dhe "krimet e tij kundër njerëzimit" në Gaza.
"Humbja e jetëve të 17 mijë palestinezëve të pafajshëm, kryesisht fëmijë dhe gra, është krim ndaj njerëzimit, krim lufte. Këto krime të Izraelit nuk duhet të lihen pa përgjigje", tha Erdoğan në fjalën e tij në samitin e Këshillit të Bashkëpunimit të Gjirit (GCC) në kryeqytetin e Katarit, Doha.
Organizata humanitare ‘Mjekët pa Kufij’ (MSF) ka bërë thirrje për presion ndaj Izraelit për të ndaluar sulmet ndaj popullit të Gazës.
“Duhet të ndalet tani. Ne po kërkojmë nga qeveritë në mbarë botën që të bëjnë presion ndaj Izraelit që të ndalojë sulmet ndaj popullit të Gazës dhe t’i japë fund rrethimi”, shkroi në platformën sociale X organizata humanitare me bazë në Francë.
Presidenti i Türkiye-s, Recep Tayyip Erdoğan tha se masakra e kryer nga administrata e Netanyahut në Gaza ka hyrë në histori si "një njollë e zezë" dhe se kjo njollë u është ngjitur në ballë edhe vendeve që i japin atij mbështetje pa kushte.
Erdoğan bëri vlerësime dhe iu përgjigj pyetjeve gazetarëve në avion gjatë kthimit të tij në Türkiye pas pjesëmarrjes në Samitin Botëror të Veprimit Klimatik të mbajtur në "Expo City" Dubai në kuadër të Konferencës së 28-të të Palëve të Konventës Kuadër të Kombeve të Bashkuara (OKB) për Ndryshimet Klimatike.
Duke thënë se pas vendimit të marrë në Samitin e Rijadit të Organizatës për Bashkëpunim Islam (OBI), grupi përkatës i kontaktit filloi punën në emër të OBI-t, Erdoğan tha: "Këtu ka disa elementë që duhet të tregohet kujdes. Së pari, ndërsa vendet islame u fokusuan në çështjen e Gazës dhe Palestinës, nga ana tjetër, ata u bashkuan në një mënyrë të paprecedentë dhe zbatuan parimin ‘populli i rajonit të kujdeset për problemet e veta‘, të cilat ne e kemi thënë prej shumë vitesh. Institucionalizimi i kësaj është ndoshta është fitimi ynë më i madh strategjik.
