Rama: Karrigia e pushtetit është një kafshë e egër. Po e le të të hyjë në trup, të mbush xhepin, por të merr mendjen

Friday, 08 December 2023 22:49

• Written by AA

Nderkohe qe nje pjese e bashkëpunëtorëve të tij janë në burg apo në kërkim për korrupsion, Edi Rama jep leksione nga Kongresi i PS se si administrohet pesha e pushtetit. Natyrisht ai pretendon se s’ka dijeni per cfare ndodh pas shpines se tij dhe as nuk mban pergjegjesi.

“Karrigia e pushtetit është një kafshë e egër që po e le të të hyjë në trup, të mbush xhepin por të merr mendjen, ndaj kush e harron se ajo karrige është e popullit dhe e shtetit, meriton çdo ndëshkim që parashikon ligji.

Në këtë pikë nuk do zgjatem. Për ata që harrojnë se për çfarë e kanë këtë karrige dhe kur i kap rrjeta e drejtësisë presin ndihmë nga partia apo bëjnë viktimën e konspiracioneve, është detyrë dhe përgjegjësi e tyre për ta mbajtur”, tha Rama.

Burimi: Lapsi.al

Kryediplomati turk bën thirrje për zgjidhje me dy shtete në konfliktin Izrael-Palestinë

Friday, 08 December 2023 22:08

• Written by AA

Ministri i Jashtëm turk Hakan Fidan përsëriti thirrjen e tij për një zgjidhje me dy shtete të konfliktit izraelito-palestinez.

"Ajo që ne po përpiqemi të promovojmë është një zgjidhje e përhershme me dy shtete", u tha Fidan gazetarëve në Washington.

“Problemi tani është më i madh se vetë izraelitët dhe palestinezët", tha ai, duke shtuar: “Prandaj, ne mendojmë se qeveritë rajonale duhet të zgjidhin problemin dhe duhet të veprojnë me përgjegjësi”, tha Fidan.

Ai theksoi nevojën për një zgjidhje me dy shtete që duhet të arrihet pas një armëpushimi në Gaza për të shmangur një luftë tjetër në rajon.

Ai tha se kjo do të ishte ajo që komiteti ministror kërkoi të promovonte, duke vënë në dukje se një zgjidhje e tillë duhet të ishte një zgjidhje "strukturore".

Türkiye është e gatshme të japë çdo kontribut për të arritur këtë qëllim, theksoi Fidan.

Komiteti ka bërë presion për një zgjidhje me dy shtete dhe bëri thirrje për krijimin e një shteti të pavarur palestinez me Kudsin Lindor si kryeqytet, bazuar në kufijtë e vitit 1967.

Izraeli rifilloi ofensivën e tij ushtarake në Rripin e Gazës më 1 dhjetor pas përfundimit të një pauze humanitare njëjavore me grupin palestinez Hamas.

Të paktën 17.487 palestinezë janë vrarë dhe më shumë se 46.480 të tjerë janë plagosur në sulmet e pamëshirshme ajrore dhe tokësore në Rripin e Gazës që nga 7 tetori pas sulmit ndërkufitar nga grupi palestinez Hamas.

Burimi: AA

Takimi Erdoğan-Osmani: Turqia do të vazhdojë duke e rritur mbështetjen e saj për njohjen e Kosovës

Friday, 08 December 2023 21:31

• Written by AA

Presidenti i Türkiyes, Recep Tayyip Erdoğan, në takimin me homologen e tij nga Kosova, Vjosa Osmani, ka theksuar se vendi i tij do të vazhdojë duke e rritur mbështetjen e saj për njohjen e Kosovës.

Kryesia e Komunikimeve pranë Presidencës turke, ka publikuar një njoftim lidhur me takimin e presidentit Erdoğan me presidenten e Kosovës, Osmani, në margjinat e aktivitetit "TRT World Forum 2023" që po mbahet në Istanbul.

Read more ...

Gaza, numri i të vrarëve nga sulmet izraelite rritet në 17.487

Friday, 08 December 2023 20:12

• Written by AA

Ministria e Shëndetësisë e Gazës njoftoi se numri i palestinezëve të vrarë nga sulmiet e Izraelit në enklavën e bllokuar është rritur në 17.487, me mbi 46,480 të plagosur.

Zëdhënësi i ministrisë, Ashraf al-Qudra, tha në një konferencë për media se 350 u vranë dhe 558 u plagosën vetëm gjatë orëve të fundit, ndërsa shumë viktima të tjera mbeten nën rrënoja.

Al-Qudra tha gjithashtu se 70 për qind e viktimave nga sulmet tokësore dhe ajrore izraelite ishin gra dhe fëmijë, ndërsa ushtria izraelite mban të ndaluar ende 36 persona të stafit mjekësor, duke përfshirë Mohammad Abu Salmiya, drejtorin e përgjithshëm të Spitalit Al-Shifa, spitali më i madh në Rripi i Gazës, i cili u arrestua më 23 nëntor.

Duke e përshkruar situatën shëndetësore në Gazën jugore si katastrofike, al-Qudra tha se të gjithë spitaleve në zonë po u mungonte hapësira për të trajtuar pacientët, me zënien e shtretërve në spitalet operacionale në 262 për qind.

Zëdhënësi tha dje se ekipet mjekësore po përballeshin me rrethana të vështira në Al-Shifa, të cilën forcat izraelite e morën nën kontroll muajin e kaluar, dhe kërkoi mbështetjen nga organizatat ndërkombëtare për të ndihmuar në ringjalljen e sektorit shëndetësor të Gazës.

Izraeli rifilloi ofensivën e tij ushtarake në Rripin e Gazës më 1 dhjetor pas përfundimit të një pauze humanitare njëjavore me Hamasin.

Sipas të dhënave zyrtare, numri i të vdekurve izraelitë në sulmin e Hamasit ishte 1200, ndërsa 138 pengje ende mbahen nga grupi palestinez në Gaza.

Burimi: AA