Gaza, numri i të vrarëve nga sulmet izraelite rritet në 17.487

Friday, 08 December 2023 20:12

• Written by AA

Ministria e Shëndetësisë e Gazës njoftoi se numri i palestinezëve të vrarë nga sulmiet e Izraelit në enklavën e bllokuar është rritur në 17.487, me mbi 46,480 të plagosur.

Zëdhënësi i ministrisë, Ashraf al-Qudra, tha në një konferencë për media se 350 u vranë dhe 558 u plagosën vetëm gjatë orëve të fundit, ndërsa shumë viktima të tjera mbeten nën rrënoja.

Al-Qudra tha gjithashtu se 70 për qind e viktimave nga sulmet tokësore dhe ajrore izraelite ishin gra dhe fëmijë, ndërsa ushtria izraelite mban të ndaluar ende 36 persona të stafit mjekësor, duke përfshirë Mohammad Abu Salmiya, drejtorin e përgjithshëm të Spitalit Al-Shifa, spitali më i madh në Rripi i Gazës, i cili u arrestua më 23 nëntor.

Duke e përshkruar situatën shëndetësore në Gazën jugore si katastrofike, al-Qudra tha se të gjithë spitaleve në zonë po u mungonte hapësira për të trajtuar pacientët, me zënien e shtretërve në spitalet operacionale në 262 për qind.

Zëdhënësi tha dje se ekipet mjekësore po përballeshin me rrethana të vështira në Al-Shifa, të cilën forcat izraelite e morën nën kontroll muajin e kaluar, dhe kërkoi mbështetjen nga organizatat ndërkombëtare për të ndihmuar në ringjalljen e sektorit shëndetësor të Gazës.

Izraeli rifilloi ofensivën e tij ushtarake në Rripin e Gazës më 1 dhjetor pas përfundimit të një pauze humanitare njëjavore me Hamasin.

Sipas të dhënave zyrtare, numri i të vdekurve izraelitë në sulmin e Hamasit ishte 1200, ndërsa 138 pengje ende mbahen nga grupi palestinez në Gaza.

Burimi: AA

Forcat izraelite për nëntë javë kufizojnë faljen e namazit të xhumasë në Al-Aksa

Friday, 08 December 2023 19:59

• Written by AA

Policia izraelite e cila vazhdon kufizimet përreth xhamisë Al-Aksa në Kudsin Lindor, ashtu si në javët e kaluara pengoi sërish palestinezët që donin të falnin namazin e xhumasë.

Forcat izraelite bllokuan me barriera hekuri rrugët në zonën e Qytetit të Vjetër të Kudsit në të cilën ndodhet xhamia Al-Aksa dhe që nga orët e mëngjesit nuk lejoi hyrjen në Al-Aksa për të rinjtë palestinezë, madje në disa raste edhe për palestinezët e moshuar.

Në xhaminë Al-Aksa ku në përgjithësi ditët e premte për namaz rreshtohen 100 deri në 150 mijë njerëz, u përsërit situata me të cilën haset prej 8 javësh që nga 7 tetori dhe për shkak të pengesave të Izraelit, namazin e xhumasë e falën vetëm rreth 5.000 njerëz.

Forcat izraelite kryen kontrolle të kartës së identitetit dhe kthyen shumë palestinezë në pikat e kontrollit që ngritën me barriera hekuri në zonën e Qytetit të Vjetër.

Gjithashtu forcat izraelite në disa raste dhunuan duke shtyrë të rinjtë palestinezë që donin të hynin në xhaminë Al-Aksa. Ndërkohë palestinezët që nuk u lejuan të hyjnë në Al-Aksa për namazin e xhumasë, e falën namazin e tyre përreth kompleksit Aksa.

Qindra palestinezë u rreshtuan dhe falën namazin e tyre në xhaminë dhe përreth xhamisë në lagjen Ra's el-Amud e cila përballë ka pamje që shikon xhaminë Al-Aksa.

Forcat izraelite krahas gazit lotsjellës ndërhynë dhe me ujë të ndotur me presion të lëshuar nga automjetet kundër palestinezë që falën namazin e tyre në lagjen Wadi al-Jawz, që ndodhet në afërsi të Mesxhidi Al-Aksasë.

Uji i ndotur i lëshuar nga automjetet formoi një erë të keqe të përhershme në rrugët përreth Xhamisë Al-Aksa.

Burimi: AA

Jordani, protesta kundër SHBA-së për shkak të mbështetjes që i jep Izraelit

Friday, 08 December 2023 19:50

• Written by AA

Mijëra qytetarë në kryeqytetin e Jordanisë, Aman, protestuan kundër SHBA-së për shkak të mbështetjes që i jep Izraelit i cili ka vrarë mbi 17 mijë palestinezë në Gaza që nga 7 tetori e deri më tani.

Pas thirrjes së disa sindikatave dhe partive si dhe të Partisë së Frontit Islamik të Punës, krahu politik i Organizatës së Vëllazërisë Muslimane (IKhwan) në Jordani, mijëra qytetarë që donin të marshonin drejt Ambasadës së SHBA-së në Aman pas namazit të xhumasë, u mblodhën para xhamisë Ibad er-Rahman në Aman.

Protestuesit mbajtën në duar flamuj të Jordanisë dhe Palestinës si dhe brohoritën me sloganet "O SHBA, o terroriste. Në vendin tim nuk ka rregulla", "Populli i Jordanisë bashkohet kundër shitjes së Palestinës".

Po ashtu në protestë u mbajtën pankarta me mbishkrimet si "Ndaloni gjenocidin" dhe "Koka e sulmeve është SHBA-ja".

Burimi: AA

Vizita e presidentit Erdoğan në Athinë në titujt kryesorë të mediave greke

Friday, 08 December 2023 15:36

• Written by AA

Gazetat në Greqi kanë paraqitur në titujt kryesorë në faqet e tyre të para, mesazhet e miqësisë që u dhanë gjatë vizitës që zhvilloi dje presidenti Recep Tayyip Erdoğan në Athinë.

Gazeta "Kathimerini" në lajmin e saj me titull "Premtimi për qetësi të vazhdueshme" transmetoi mesazhet "miqësore" pas takimit të presidentit Erdoğan dhe kryeministrit Kyriakos Mitsotakis.

Read more ...