Netanyahu: Hamasi po krijon “krizë” në minutën e fundit! Organizata: Jemi të përkushtuar ndaj marrëveshjes
Thursday, 16 January 2025 18:56
Një takim i kabinetit të sigurisë të Izraelit për të miratuar një armëpushim dhe marrëveshje pengjesh me Hamasin është shtyrë për më vonë, pasi negociatorët në Katar thuhet se po punojnë për të sqaruar detajet përfundimtare. Zyra e Netanyahut pretendoi se Hamasi ka refuzuar kushte të caktuara dhe po krijon një “krizë” të minutës së fundit për të finalizuar marrëveshjen për lirimin e pengjeve. “Hamasi po tërhiqet nga marrëveshjet dhe po krijon një krizë të minutës së fundit që pengon arritjen e një marrëveshjeje”, thuhet në deklaratë.
