‘Janë kthyer në kufoma që ecin!’ Agjencia e OKB-së jep alarmin për fëmijët në Gaza
Kriza humanitare në Rripin e Gazës ka arritur nivele alarmante, me një në pesë fëmijë në Qytetin e Gazës që vuajnë nga kequshqyerja, sipas Agjencisë së OKB-së për Refugjatët Palestinezë (UNRWA).
Në një deklaratë të lëshuar të enjten, Komisioneri i Përgjithshëm i UNRWA-s, Philippe Lazzarini, tha se situata është aq e rëndë, saqë një koleg i tij në terren e përshkroi kështu: “Njerëzit në Gaza nuk janë as të vdekur as të gjallë, ata janë kufoma në këmbë.”
Epstein, edhe në dasmën e Trump/ CNN nxjerr pamjet, acarohet Presidenti amerikan: Po bëni shaka?!
Pamje dhe foto të reja arkivore kanë hedhur dritë mbi marrëdhënien e dikurshme mes Presidentit amerikan Donald Trump dhe Jeffrey Epstein, përfshirë pjesëmarrjen (e padokumentuar më parë) të Epstein në dasmën e Trump me Marla Maples në vitin 1993.
CNN, përmes seksionit investigativ KFile, ka siguruar video ekskluzive nga një event mode i “Victoria’s Secret” në vitin 1999, ku Trump dhe Epstein shihen duke qeshur dhe biseduar si dy miq, pak para fillimit të sfilatës. Në të njëjtën linjë, pamje të tjera të publikuara për herë të parë tregojnë Epstein të pranishëm në dasmën e Trump në hotelin “Plaza” në New York, si dhe në disa evente të tjera nga fundi i viteve ’90.
SHBA-ja tërhiqet nga UNESCO për herë të tretë, shkak "anëtarësia e Palestinës" dhe "agjenda globaliste"
Shtetet e Bashkuara njoftuan sot tërheqjen e tyre të tretë nga UNESCO, që do të hyjë në fuqi më 31 dhjetor 2026, duke përmendur si arsye pranimin e Palestinës si anëtare e organizatës dhe mospërputhjet me politikën e jashtme "Amerika e Para" të administratës së presidentit Donald Trump.
"Sot, Shtetet e Bashkuara informuan drejtoreshën e përgjithshme Audrey Azoulay për vendimin e tyre për t'u tërhequr nga UNESCO", tha zëdhënësja e Departamentit të Shtetit, Tammy Bruce, në një deklaratë.
25 vende dhe BE-ja dënojnë "v.rasjen çnjerëzore" të civilëve në Gaza
Njëzet e pesë vende, përfshirë Mbretërinë e Bashkuar, Australinë dhe Japoninë, së bashku me BE-në, dënuan “vrasjen çnjerëzore” të civilëve në Rripin e Gazës nga Izraeli dhe bënë thirrje për një përfundim të menjëhershëm të luftës në enklavën e rrethuar.
Në një deklaratë të përbashkët, ministrat e jashtëm të 25 vendeve dhe Komisarja e BE-së për Barazi, Përgatitje dhe Menaxhim të Krizave, Hadja Lahbib, thanë se vuajtjet e civilëve në Gaza kanë arritur “thellësi të reja”.
Papa Leoni thirrje kryeministrit i.zraelit: Duhet të mbrohen vendet e adhurimit
Papa Leo XIV, udhëheqësi shpirtëror i katolikëve dhe kreu i Vatikanit, i theksoi kryeministrit izraelit, Benjamin Netanyahu, nevojën për të mbrojtur vendet e adhurimit dhe të gjithë njerëzit në Palestinë dhe Izrael, si dhe për të vendosur një armëpushim në Gaza.
Në një deklaratë me shkrim të publikuar nga Zyra e Shtypit e Vatikanit, u tha se Papa, i cili ndodhet në rezidencën e tij verore Castel Gandolfo afër Romës, mori një kërkesë për një telefonatë nga kryeministri Netanyahu këtë mëngjes pas sulmit ajror izraelit në Kishën e Familjes së Shenjtë (Manastiri Latin) në Gaza dje, i cili vrau tre persona dhe plagosi shumë të tjerë.