Ukraina dhe Rusia kryejnë sulme të ndërsjella/Sulmet në Odesa lanë të vrarë 21 persona
Monday, 18 March 2024 08:35
Sulmet me raketa të Rusisë në qytetin port Odesa në Ukrainë lanë të vrarë 21 persona, mes tyre pjesëtarë të ekipeve të shpëtimit, thanë zyrtarët ukrainas. Më shumë se 70 të tjerë mbetën të plagosur pasi dy raketa balistike goditën një qendër banimi në këtë qytet. Presidenti i Ukrainës, Volodymyr Zelenskyy, në një video të publikuar të premten në mbrëmje u zotua se Kievi do të “përgjigjet siç duhet” ndaj sulmit. Ndërkohë, guvernatori i rajonit rus Belgorod tha sot se si pasojë e sulmeve ukrainase në qytet vdiqën dy persona dhe u plagosën 8 të tjerë.
