Rezultatet paraprake: E djathta ekstreme fiton zgjedhjet në Austri për herë të parë

Sunday, 29 September 2024 20:48

• Written by euronews.al

Partia e së djathtës ekstreme, Partia e Lirisë (FPO), i ka fituar të dielën zgjedhjet e përgjithshme në Austri për herë të parë, tregojnë rezultatet fillestare. Rezultatet fillestare i kanë dhënë partisë së udhëhequr nga Herbert Kickl 29.1 për qind të votave, gati tri pikë më shumë se partisë konservatore në pushtet, Partia Popullore Austriake (OVP), e cila thuhet t’i ketë marrë 26.2 për qind të votave.

Megjithatë, FPO-ja ka dështuar ta fitojë shumicën në Parlament për ta formuar vetë Qeverinë e re të Austrisë. Partia e Lirisë ka qenë në koalicion qeveritar më parë, por partia konservatore ka thënë se nuk do të pranojë të futet në një koalicion qeveritar të udhëhequr nga Kickl.

Read more ...

Houthi i Jemenit raporton sulme ajrore izraelite në qytetin Al Hudaydah

Sunday, 29 September 2024 19:22

• Written by AA

Grupi Houthi i Jemenit ka raportuar për sulme ajrore izraelite në qytetin perëndimor Al Hudaydah, transmeton Anadolu. Televizioni Al-Masirah, i drejtuar nga Houthi, e transmetoi lajmin pa dhënë asnjë detaj për viktima, të plagosur apo dëme.

Pamjet e postuara në rrjetet sociale tregojnë tymin që ngrihet nga zona. Deri më tani nuk ka pasur ndonjë koment nga ushtria izraelite mbi raportin. Tensionet rajonale janë përshkallëzuar për shkak të ofensivës brutale të Izraelit në Rripin e Gazës, e cila që nga 7 tetori i vitit të kaluar ka vrarë të paktën 41,600 palestinezë, kryesisht gra dhe fëmijë.

Read more ...

Lideri i opozitës: Izraeli është zhytur në moçal ekonomik për shkak të keqmenaxhimit

Sunday, 29 September 2024 13:35

• Written by AA

Kreu i opozitës izraelite, Yair Lapid, ka kritikuar politikat ekonomike të qeverisë izraelite, duke deklaruar se ulja e fundit e vlerësimit të kredisë së Izraelit nga kompania e shërbimeve financiare Moody’s shërben si një tregues i qartë i situatës së rëndë ekonomike të vendit, transmeton Anadolu. Në një intervistë me Radion Publike të Izraelit, Lapid iu referuar vendimit të kompanisë Moody’s për uljen e vlerësimit të kredisë së Izraelit me dy shkallë në ‘Baa1’ nga ‘A2’, duke shënuar nivelin më të ulët në historinë e agjencisë për vendin. Lapid e përshkroi këtë ulje si një shenjë e zhytjes së Izraelit në një “moçal ekonomik për shkak të keqmenaxhimit”.

Read more ...

Gjermania do t’u mohojë shtetësinë individëve që përdorin sloganin pro-palestinezë në mediat sociale

Sunday, 29 September 2024 12:15

• Written by AA

Gjermania do t’u mohojë shtetësinë individëve që ndajnë, pëlqejnë ose komentojnë sloganin “Nga lumi në det” në mediat sociale, i cili lidhet me mbështetjen për Palestinën, transmeton Anadolu.

Radioja dhe Televizioni i Gjermanisë së Veriut (NDR) tha se individët që në mediat sociale përdorin, pëlqejnë ose komentojnë sloganin “Nga lumi në det” nuk do të kenë të drejtë për nënshtetësinë gjermane.

Read more ...