Numri i palestinezëve të vrarë nga sulmet e vazhdueshme izraelite në Rripin e Gazës është rritur në të paktën 20.674.
Zëdhënësi i Ministrisë së Shëndetësisë në Gaza, Ashraf al-Qudra, tha gjithashtu se 54.536 njerëz janë plagosur në ofensivën izraelite.
Türkiye nuk do të lejojë baronët e terrorit në Irakun dhe Sirinë veriore ta ndalojnë vendin nga rruga e tij, tha presidenti turk Recep Tayyip Erdoğan.
Në lidhje me luftën e Türkiyes kundër grupit terrorist PKK, Erdoğan tha në ceremoninë e hapjes së pistës së dytë të Aeroportit Ndërkombëtar Sabiha Gökçen në Istanbul se "Ne nuk do të lejojmë as baronët e terrorit në Kandil dhe Siri, as ata që mbajnë frenat e këtyre tradhtarëve, të na ndalojnë nga rruga jonë".
Numri i palestinezëve të arrestuar nga forcat izraelite në Bregun Perëndimor të pushtuar dhe Kudsin Lindor që nga 7 tetori arriti në 4.730 me arrestimin e 35 personave të tjerë.
Në një deklaratë të përbashkët me shkrim nga Shoqata e të Burgosurve Palestinezë dhe Komiteti për Çështjet e të Burgosurve Palestinezë i lidhur me Organizatën për Çlirimin e Palestinës, thuhet se forcat izraelite arrestuan 35 persona të tjerë në bastisjet mëngjesin e sotëm në Tulkarm, Nablus, Ramallah, Betlehem, Khalil dhe Kudsin Lindor.
Ushtria izraelite po përgatitet t'u japë fund sulmeve të saj tokësore në Rripin e Gazës.
Në lajmin e televizionit shtetëror izraelit KAN të bazuar në burime të paidentifikuara thuhet se "Sipas sukseseve operacionale, ushtria izraelite po përgatitet që në javët e ardhshme të kalojë në fazën e tretë të konfliktit në Gaza".
Organizata Mjekët pa Kufij (MSF) paralajmëroi se sulmet pa kriter që Izraeli i ka vazhduar që nga 7 tetori e kanë kthyer veriun e Rripit të Gazës në grumbull rrënojash.
MSF-ja bëri një postim nga llogaria e saj në platformën sociale "X" lidhur me situatën në Gaza, e cila ndodhet nën sulmet dhe bllokadën intensive të Izraelit.
