Absurditet shqiptar: Çmimet e ushqimeve u rritën 9 herë më shumë se inflacioni
Wednesday, 11 December 2024 09:07
Viti 2023 shënoi rritje të ndjeshme të çmimeve të produkteve bujqësore në Shqipëri, duke tejkaluar disa herë nivelin mesatar të inflacionit. Sipas të dhënave të INSTAT, inflacioni mesatar për vitin ishte 4.7%, por për disa produkte të shportës bazë, rritja e çmimeve varionte nga 3 deri në 9 herë më shumë.
Produktet që pësuan rritjen më të madhe ishin ato të konsumit të përditshëm, si qumështi, i cili shënoi një rritje nga 18% deri në 43% krahasuar me vitin 2022. Ky artikull, që është thelbësor për ushqyerjen e fëmijëve dhe të rriturve, reflektoi barrën më të madhe ekonomike mbi familjet shqiptare.
