Përgjegjësi i IKMT ndërtonte vetë pa leje në Ksamil, nis gjyqi
Gjykata e Sarandës ka pranuar pak ditë më parë kërkesën e Prokurorisë së këtij qyteti për dërgimin në gjyq të cështjes në ngarkim të ish Përgjegjësit të IKMT Sarandë, Julian Preni 40 vjec, të akuzuar për “shpërdorim detyre”.
Hetimi nisi pas një telefonate anonime në Komisiariatin e Sarandës në 29 prill 2020, ku një person denoncoi se në 28 shkurt të atij viti, përgjegjësi i IKMT Sarandë, Julian Preni kishte marrë ryshfet 6000 euro nga një biznes në Ksamil për të mos prishur disa mure të ndërtuara pa leje. Veprimet hetimore i kreu SPAK, duke marrë në pyetje disa persona, kqyrur telefonat celularë apo duke kryer përgjime dhe deri edhe kontroll banese të Julian Prenit. Duke mos gjetur elementë të veprës penale “korrupsioni pasiv i personave që ushtrojnë funksione publike”, SPAK ka shpallur moskopetencë duke e transferuar dosjen në Prokurorinë e Sarandës për “shpërdorim detyre”.
