E hëna e 2 shtatorit shënon nisjen e sesionit të ri parlamentar me hapjen e dyerve te Kuvendit pas pushimeve verore.
Fusha e “shahut” politik në sallën e seancave plenare pritet të ketë një konfigurim të ri, pasi deputetë të cilët identifikohen si “anti-Berishistë” do tentojnë të krijojnë një grup të ri parlamentar të djathtë.
Tre raste të reja janë konfirmuar me virusin Ethet e Nilit, duke e çuar në pesë numrin e të prekurve në qarkun e Elbasanit.Tre rastet e fundit janë konfirmuar konkretisht:
-Në Cerrik, një 84-vjeçar
-Në Paper një-73-vjeçar
-Në Tregan një 60-vjeçar
Një 71 vjeçar ka tentuar të përdhunojë një vajzë të mitur në Maliq, por fatmirësisht është arrestuar nga policia. Siç raporton gazetarja e Klan News Daniela Zisi, ka qenë babai i vajzës ai i cili ka denoncuar rastin në polici.
Sipas deklarimeve, bëhet me dije se i moshuari Pëllumb Lamçe ka zhveshur 8 vjeçaren me qëllim kryerjen e marrëdhënieve seksuale. Mësohet se ka qenë një vajzë tjetër më e rritur në moshë, që i ka parë te këndi i lojërave te shkolla e fshatit dhe ka ndërhyrë menjëherë për të larguar të moshuarin.
Pas Edi Ramës, edhe kreu i Partisë së Lirisë Ilir Meta është bërë me Podcast. Meta njoftoi se “Podcasti i Lirisë” do të jetë gjatë ditëve të kampingut veror të të rinjve dhe të rejave të PL në Jalë.Në puntatën e parë të këtij podcasti, Meta tregoi edhe historinë si u bë deputet në zgjedhjet e vitit 1992 dhe ëndrrën e tij për tu bërë pedagog. Meta rrëfeu se si PS e “futi në kurth” dhe e kandidoi për deputet në Skrapar, ku ishte nje zonë e vështirë për të fituar, por ai ia doli.“Problemi im është se unë e kam vështirë të kënaqem me veten, por edhe me të tjerët. Mendoj se perfeksionimi nuk është shumë i këshillueshëm, por pa disa qëllime të mëdha dhe pa u përmirësuar, pa dyshim që nuk ke çfarë jep më.
