Media italiane, “Il Foglio”: Sheshet mbushen me njerëz që duan ta shohin “Edi Ramën në burg”, e konsiderojnë kriminel që ka hedhur Shqipërinë në gojën e ‘peshkaqenëve’
Nga “Il Foglio”
Një protestë që nisi për të mbrojtur flamingot rozë është shndërruar në revoltën më të madhe qytetare kundër qeverisë së Edi Ramës. Në një analizë të gjatë të botuar nga e përditshmja italiane “Il Foglio”, Shqipëria përshkruhet si një vend ku zemërimi ndaj korrupsionit, ndërtimeve pa kufi, mungesës së transparencës dhe kapjes së institucioneve ka bashkuar mijëra qytetarë në një lëvizje që shkon përtej ndarjeve politike.
Sipas artikullit, “Revolucioni i Flamingove” nuk është më vetëm një betejë për mbrojtjen e natyrës, por simbol i një vendi që kërkon të mbrojë identitetin, të ardhmen dhe demokracinë e tij. Media italiane e njohur si pranë Georgia Melonit ka bërë një skaner të zhvillimeve në Shqipëri, ku i ka dhënë zë dhe të rinjve dhe arkitektëve të cilët denoncojnë ‘mbretërinë e kryeministrit Rama’.
