Rama nuk kuptoi asgjë nga protesta, qytetarët kërkojnë një Shqipëri pa Rilindjen
Friday, 24 July 2026 15:13
Nga Andi Bushati
Në një përpjekje të gjatë për të treguar se e ka përthithur thelbin e “flamingove të bulevardit”, Edi Rama e ka humbur krejtësisht shënjestrën. Teza kryesore e paktit të tij të besës me qytetarët ka qenë se duhet ta ndryshojë katërcipërisht qeverisjen dhe PS-në pasi përgjatë tre mandateve Rilindja na ka dhuruar një Shqipëri aq të transformuar, sa bashkë me të ka revolucionrizur edhe pritshmëritë e publikut. Njerëzit falë nesh nuk mendojnë më të keqen më të vogël, por kërkojnë: “ka dhe më mirë”. Ne e futëm vendin në “epokën e pritshmërive”, tha pak a shumë ai, duke shpallur se protesta gati dy mujore mbylli një periudhë dhe hapi një tjetër.
