“Bullizmi në shkolla po dëmton fëmijët që luftojnë me sëmundje të rënda”
Thursday, 08 May 2025 20:49
Një prind i një vajze 12-vjeçare, e cila po kalon një periudhë të vështirë shëndetësore për shkak të trajtimit me kimio, ka bërë një thirrje të fortë për prindërit dhe mësuesit, pas episodeve të bullizmit që vajza ka përjetuar në shkollë.
Ajo po bullizohet nga moshatarët për shkak të flokëve të saj, ndërsa është duke u përpjekur të mposhtë pasojat e trajtimit të sëmundjes. Prindërit e vajzës kanë shprehur shqetësimin se, pavarësisht përpjekjeve të mësuesve, bullizmi vazhdon të ndodhë dhe ndikon rëndë në shëndetin dhe mirëqenien e vajzës. Ata kanë kërkuar që prindërit e fëmijëve të edukojnë fëmijët e tyre për të respektuar ata që janë ndryshe dhe për të parandaluar sjelljet e dëmshme si bullizmi.
