Të paktën 18.608 palestinezë janë vrarë në sulmet e vazhdueshme izraelite në Rripin e Gazës që nga 7 tetori.
Zëdhënësi i Ministrisë së Shëndetësisë me bazë në Gaza, Ashraf al-Qudra tha se 50.594 palestinezë të tjerë gjithashtu janë plagosur nga sulmet izraelite.
Në një letër të publikuar më 13 dhjetor në platformën X – të njohur më parë si Twitter – Kearns dhe 12 kryetarë të komiteteve të Parlamentit Evropian, kanë kërkuar që BE-ja të rikthejë bashkëpunimin e plotë me Qeverinë e Kosovës. “Bojkotimi i zgjedhjeve komunale në krye me Listën Serbe, më 23 prill, sulmi ndaj KFOR-it më 29 maj, ndalim arbitrar i zyrtarëve të Policisë së Kosovës nga autoritetet serbe më 14 qershor, dhe sulmet në Banjskë më 24 shtator, shpërfaqin një formë agresioni, me qëllim të destabilizimit të Kosovës”, është thënë në letrën e nënshkruar prej Kearnsit dhe zyrtarëve tjerë evropianë.
Qendra e Kërkimeve Islame pranë Fondacionit të Diyanetit të Türkiyes (ISAM) dhe Instituti Islam i Moskës kanë nënshkruar një protokoll bashkëpunimi me publikimin online të Enciklopedisë Themelore të Islamit të përkthyer në rusisht dhe botimin e saj në Rusi,
Ceremonia e nënshkrimit të protokollit u realizua në margjinat e Forumit të 19-të Ndërkombëtar Musliman që u mbajt në kryeqytetin Moskë të Rusisë.
Në ceremoninë ku mori pjesë edhe kreu i ISAM-it, Mürteza Bedir, u nënshkrua një protokoll bashkëpunimi mes dy institucioneve.
Në kuadër të protokollit palët ranë dakord që Enciklopedia Themelore e Islamit e përkthyer në rusisht nga ISAM të publikohet online dhe të botohet në Rusi.
Vepra enciklopedike, e botuar në tetë vëllime në Türkiye në vitin 2019, përmban parimet bazë të besimit dhe rregullat e sjelljes në Islam, personazhet, veprat dhe institucionet e historisë islame, si dhe elementet bazë të kulturës dhe qytetërimit islam.
Burimi: AA
Ushtria izraelite ka arrestuar më shumë se 4.000 palestinezë në Bregun Perëndimor të pushtuar dhe Kudsin Lindor që nga 7 tetori, njoftuan grupet palestineze të të drejtave të njeriut.
Grupet e të drejtave, në një deklaratë të përbashkët, duke përfshirë Qendrën Palestineze për të Drejtat e Njeriut, Shoqatën Palestineze të të Burgosurve dhe Qendrën e Informacionit Wadi Hilweh me bazë në Kuds, thanë se në mesin e palestinezëve të arrestuar ishin 150 gra dhe më shumë se 255 fëmijë.
Deklarata shton se numri nuk përfshin të arrestuarit në Rripin e Gazës gjatë së njëjtës periudhë.
Gjithashtu theksohet në burgjet izraelite ndodhen më shumë se 7.800 palestinezë, prej të cilëve 2.870 pa gjyq ose akuzë sipas politikës izraelite të paraburgimit administrativ.
Tensionet janë rritur në të gjithë Bregun Perëndimor mes ofensivës ushtarake izraelite në Rripin e Gazës pas një sulmi ndërkufitar nga Hamasi më 7 tetor.
Gati 282 palestinezë janë vrarë nga forcat izraelite dhe kolonët në Bregun Perëndimor që nga 7 tetori, si dhe më shumë se 3.100 të tjerë janë të plagosur, sipas Ministrisë palestineze të Shëndetësisë.
Burimi: AA
Përfaqësuesi i përhershëm i Pakistanit në OKB, ambasadori Munir Akram tha se qëllimi i Izraelit është të shkatërrojë jo vetëm njerëzit, por edhe të gjithë idenë e Palestinës.
Sipas lajmit në median kombëtare, ambasadori Akram, në fjalimin e tij në Asamblenë e Përgjithshme të OKB-së tha se disa nga miqtë e Izraelit e konsiderojnë Hamasin përgjegjës për të gjithë situatën aktuale dhe nuk e fajësojnë Izraelin.
Akram tha se qëllimi i Izraelit nuk është vetëm të eliminojë Hamasin. "Kjo është një luftë kundër popullit palestinez. Qëllimi i Izraelit është të shkatërrojë jo vetëm popullin, por edhe të gjithë idenë e Palestinës", theksoi ai.
Ambasadori pakistanez shtoi se veprimet e Izraelit janë saktësisht të njëjta me praktikat e fuqive raciste kolonialiste në të kaluarën. "Kur shkelni nderin dhe dinjitetin e njerëzve, i poshtëroni ata, i futni në burgje të hapura dhe i vrisni sikur të ishin kafshë, këta njerëz zemërohen shumë dhe ua bëjnë të tjerëve atë që u është bërë", tha Akram.
Burimi:AA
