Ambasada e SHBA-së dënon ashpër vrasjen e policit në veri të Kosovës: Autorët para drejtësisë

Sunday, 24 September 2023 21:42

• Written by Ora News

Ambasadori i SHBA-ve, Jeff Hovenier ka reaguar pas ngjarjeve në veri të Kosovës, ku një polic u vra dhe u plagosën dy të tjerë. Hovenier ka shkruar se SHBA-të dënojnë ashpër sulmet e okrestruara, të dhunshme ndaj Policisë së Kosovës.

“PK ka përgjegjësi të plotë dhe legjitime për zbatimin e sundimit të ligjit në Kosovë. Autorët duhet dhe do të mbajnë përgjegjësi dhe do të sillen para drejtësisë.

I shpreh ngushëllimet në emër të Shteteve të Bashkuara familjes për vdekjen e rreshterit të Policisë së Kosovës të vrarë në krye të detyrës”, ka shkruar Hovenier.

Edhe ambasada e SHBA-ve, ka lëshuar një deklaratë ku ka dënuar këtë ngjarje tragjike. “Ne po e monitorojmë situatën nga afër dhe i dënojmë këto akte të dhunshme ndaj autoriteteve legjitime të Republikës së Kosovës”, thuhet në deklaratën e ambasadës.

Burimi; Ora News

Sulmi ndaj policisë së Kosovës, Kurti: Akt terrorist, krimi i organizuar nga Beogradi po sulmon shtetin tonë

Sunday, 24 September 2023 21:32

• Written by Ora News

Kryeministri i Kosovës, Albin Kurti ka reaguar për vrasjen e policit në veri të Kosovës, një reagim në Facebook duke e konsideruar një akt terrorist.

Kurti tha se “krimi i organizuar me mbështetje politike, financiare dhe logjistike nga Beogradi zyrtar po e sulmon shtetin tonë.”

“Të dashur qytetarë. Rreth orës 3 të mëngjesit sot, në fshatin Banjska të Leposaviqit, është sulmuar policia e Kosovës me ç’rast është vrarë një polic i Kosovës dhe një tjetër është plagosur.

I vrari është polic i rendit me gradën rreshter, kurse i plagosuri është pjesëtar i policisë kufitare. Në këto momente ende vazhdojnë gjuajtjet me armë zjarri të kalibrave të ndryshëm mbi policinë tonë. Sulmuesit janë profesionistë me maska e të armatosur edhe me armë të rënda.

Ne e dënojmë këtë sulm kriminal e terrorist. Krimi i organizuar me mbështetje politike, financiare dhe logjistike nga Beogradi zyrtar po e sulmon shtetin tonë. Në këtë betejë ne mbrojmë dhe zbatojmë ligjin, mbrojmë dhe ruajmë qytetarët pa dallim dhe Kosovën e pavarur.

Kriminelët ekzekutorë dhe urdhërdhënësit e tyre do të dështojnë, do të kapen, gjykohen e dënohen. Qeveria e Republikës së Kosovës dhe institucionet e shtetit janë të gatshme dhe të bashkërenduara për t’iu përgjigjur krimit dhe kriminelëve, terrorit dhe terroristëve. Policia e Kosovës e ka njoftuar familjen e policit të vrarë A.B. Polici i plagosur është jashtë rrezikut për jetë. Ngushëllime familjes dhe të gjithëve për policin tonë të vrarë. Shërim të shpejtë e të plotë policit të plagosur”, shkruan Kurti.

Burimi: Ora News

Katër muaj udhëtim me biçikletë: I riu nga Guinea përshkon 6 shtete për të studiuar në Al-Azhar të Egjiptit

Saturday, 23 September 2023 22:17

• Written by AA

I riu Muhamed Shafi Bari nga Guinea udhëtoi 5.000 kilometra me biçikletën e tij për të arritur në kryeqytetin egjiptian Kajro dhe për të përmbushur ëndrrën e tij për të studiuar në Universitetin prestigjioz Al-Azhar.

Ky 25-vjeçar u largua nga vendlindja e tij Conakry më 17 maj me dëshirën për të studiuar në Al-Azhar, i cili është një nga institucionet më të vjetra dhe më prestigjioze të arsimit të lartë në botë.

Read more ...

Tensione në kufirin Liban-Izrael: Sulme me bomba tymuese

Saturday, 23 September 2023 22:13

• Written by AA

Forcat libaneze iu përgjigjën një sulmi provokues të forcave izraelite në kufirin e dy vendeve të Lindjes së Mesme.

Ushtria libaneze tha në një deklaratë se është kundërpërgjigjur në të njëjtën mënyrë ndaj një sulmi me bombë tymuese nga forcat izraelite ndaj personelit të saj në kufi.

Agjencia e lajmeve NNA raportoi se ushtria izraelite shkeli të ashtuquajturën “vijë blu” nën kontrollin e Forcave të Përkohshme Paqeruajtëse të Kombeve të Bashkuara në Liban (UNIFIL) dhe sulmoi një buldozer dhe një gërmues që i përkisnin ushtrisë libaneze me bomba tymuese.

Burimi: AA