Një gjykatë holandeze e apelit më 12 shkurt urdhëroi qeverinë holandeze të bllokojë të gjitha eksportet e pjesëve të avionëve luftarakë F-35 në Izrael, për shkak të shqetësimeve se ato po përdoreshin në kundërshtim me ligjin ndërkombëtar gjatë ofensivës izraelite në Gaza.
Vrasja e ekonomistit Selman Mihana dhe plagosja e pronarit të firmës së inerteve në Lezhë, Ardian Gjeloshi, është kryer nga tetë persona, ku 6 prej tyre ishin të veshur si punonjës policie “Shqiponja” dhe Forcat Speciale, ndërsa 2 vetë ishin civilë. Të gjithë në kokë mbanin kapuccë të zinj, ccka i ka sjellë mosidentifikimin e tyre. Dyshimet e para flasin për një vrasje me pagesë, por ende nuk është qartësuar me prova konkrete.
Hind Rajab, vajza gjashtëvjeçare palestineze e zhdukur pasi makina e familjes së saj u godit në Gaza, është gjetur e vdekur. Vogëlushja i mbijetoi sulmit dhe thirri për ndihmë, por që nga ajo kohë nuk u mor më asnjë lajm për të. Sipas Gjysmëhënës së Kuqe Palestineze, dy mjekë të dërguar për të kërkuar vajzën e vogël u vranë nga forcat izraelite. Vajza e vogël u pa për herë të fundit rreth dy javë më parë, kur u bllokua në makinë me të afërmit e saj të vdekur, teksa po përpiqeshin të largoheshin nga qyteti i Gazës.
Ministrja e Punëve të Jashtme e Afrikës së Jugut, Naledi Pandor, ka bërë të ditur se ajo ka marrë mesazhe kërcënuese që kur vendi i saj ngriti një çështje për gjenocid kundër Izraelit në Gjykatën Ndërkombëtare të Drejtësisë, transmeton Anadolu. Duke folur mbrëmë me gazetarët në Cape Town, Pandor tha se kishte folur me ministrin e Policisë Bheki Cele për këtë çështje.
