Hafiz Ibrahim Dalliu, arrestimi, akuzat e rreme dhe dënimi

Tuesday, 26 September 2023 22:56

• Written by Kastriot Dervishi

Nga Kastriot Dervishi

Në vitin 2008 krejt rastësisht kam gjetur foton e hetuesisë së Hafiz Ibrahim Dalliut, e cila është bërë tashmë shumë e njohur. Më vjen mirë që një foto të humbur me imazhin e këtij kleriku të burgosur e kam sjellë dhe bërë të njohur. Dosja e tij hetimore-gjyqësore ishte tërhequr prej  Arkivi i Ministrisë së Brendshme nga Gjykata e Lartë (në kuadër të 200 dosjeve që kjo gjykatë ka marrë për rishikime vendimesh e mbrojtje ligjshmërie) dhe kjo foto nuk iu bashkëngjit dot asaj.

Hafiz Ibrahim Dalliu, lindur e banues në Tiranës, me arsim të lartë, fliste dhe shkruante turqisht, persisht e greqisht, profesor në medresenë e Tiranës, ishte 85 vjeç kur u arrestua më 16.5.1947. Ishte pjesë e arrestimeve të shumta që u zhvilluan në maj 1947 kundër inteligjencies shqiptare të quajtur tekniko-intelektualë. Gjatë kësaj kohe u arrestuan mbi 100 persona si dhe u përpiluan disa procese politike, ku më të njohurat mbetën dy gjyqet e para ndaj deputetëve. Arrestimi i Hafiz Ibrahim Dalliut, nuk duhet parë i shkëputur nga këto procese, sepse është pjesë e pandashme e tyre. Në listën e përgjithshme të arrestimeve, emri i tij gjendet në numrin 52.

Read more ...

Ibn khalduni dhe kontributi historik i civilizimit islam në shkencën politike perëndimore

Tuesday, 26 September 2023 22:51

• Written by mend.org.uk

Historia e shkencave politike moderne është e paplotë pa shqyrtuar kontributet e mendimtarëve muslimanë, veprat akademike të të cilëve janë parë si kthesë në fushat e tyre përkatëse gjatë kohës në të cilën kanë jetuar. Ky artikull shqyrton teorinë politike të Ibn Khaldunit dhe mënyrën se si kjo teori formësoi mendimin politik perëndimor. Ndërsa përshkon veprat e tij, lexuesi kujtohet për veprat e baballarëve të mendimit politik perëndimor, Ruso dhe Locke, edhe pse Ibn Khalduni ka jetuar shumë kohë para tyre, në shekullin XIV.

Ndërsa studiojmë historinë, ne jemi mësuar se për shkak të ndryshimeve socio-ekonomike në Europën e shekullit XIX, shtetet-kombet moderne u gdhendën mbi përpjekjen për të zhdukur pushtetin mbretërorë e për të ndërtuar themelet e demokracisë. Sidoqoftë, kjo lloj analize historike është e paplotë pasi injoron faktin se 800 vjet sundim musliman në Spanjë ndikuan shumë në pjesën tjetër të Europës. Në fakt, Ibn Khalduni, familja e të cilit ishte me origjinë nga Sevilja e Spanjës, udhëtoi ndërmjet Europës dhe Afrikës së Veriut duke ofruar detyrat e tij qeverisëse dhe duke shënuar mbresat e tij në shkrimet e tij. Ai sugjeroi në shkrimet e tij se perandoritë fuqizohen, arrijnë kulmin, e më pas bien. Kjo ide u shqyrtua në shkrimet e tij në shekullin XIV, rreth 400 vjet para se perandoritë të binin në pjesën tjetër të Europës, përfshirë Spanjën. Parashikimet e tij u vërtetuan gjatë historisë, pasi zotërijntë feudalët europianë humbën pushtetin dhe nuk ishin në gjendje ti mbanin’ taksat e larta dhe shfrytëzonin njerëzit e thjeshtë, çka çoi në një rënie të perandorive dhe në revolta të fshatarëve.

Read more ...

Hoxhallarë patriotë në shërbim të atdheut...

Tuesday, 26 September 2023 22:44

• Written by Mexhlis

Në kohë të vështira dalin në pah gjithmonë njerëz të mëdhenj që i shërbejnë vendit dhe atdheut me përkushtimin e tyre, ashtu siç edhe ka ndodhur në të vërtetë edhe me hoxhallarët. Hoxhallarët shqiptarë i kanë shërbyer me shumë devotshmëri këtij vendi, duke i edukuar brezat me ndershmëri dhe sinqeritet në shërbim të familjes dhe shoqërisë. Këtu duam të përkujtojmë tre hoxhallarë tashmë të mirënjohur si emra nga i gjithë publiku shqiptar, Hafiz Ali Korçën, Hafiz Ibrahim Dalliun dhe Ismail Efendi Ndroqin. Në momente kyçe për atdheun tonë e sidomos në vitin e pavarësisë ata kanë shërbyer edhe me armë.

Hafiz Ali Korça me çetën e luftëtarëve të tij u hodh në luftë për pavarësinë e Shqipërisë dhe nga dëmet që po pësonte nga politikat dritëshkurtra të xhonturqve, partia më e madhe për kohën në Perandorinë Osmane dhe që kishte marrë frenat e pushtetit asokohe. Xhonturqit asokohe po silleshin ashpërsisht me Shqiptarët, duke i konsideruar si element armiqësor, mirëpo hasën në rezistencën dhe shpirtin luftarak të shqiptarëve.

Read more ...

Lidhja e Prizrenit, Abdyl Frashëri dhe përpjekjet e tij për një vilajet shqiptar

Tuesday, 26 September 2023 22:41

• Written by Mexhlis

“Qëllimi i Kuvendit (Lidhja e Prizrenit) është që t’ua presim hovin armiqve të pashpirtë, duke lidhur besën shqiptare dhe duke u betuar që t’i mbrojmë me gjak trojet që na kanë lënë gjyshërit dhe stërgjyshërit tanë”. Abdyl Frashëri

Abdyl Frashëri është një nga figurat qendrore të Lidhjes së Prizrenit, si dhe një nga aktivistët më të shquar të këtij organizimi politik mbarëshqiptar, që e shtriu ndikimin e Lidhjes në të gjithë Toskërinë dhe Shqipërinë e Jugut.

Në pranverë të vitit 1877, Abdyl Frashëri hyri si protagonist politik në skenën e historisë së Shqipërisë. Në këtë situatë tepër të vështirë, kur luftohej për jetë a vdekje, Abdyli hartoi platformën e re politike dhe ideologjike me synimin mbrojtjen e interesave kombëtare të Shqipërisë, e cila i kundërvihej platformës që përpunuan qarqet politike të Stambollit, që synonte mbrojtjen e kufijve të Turqisë në Europë. Synimi politik i platformës së Abdyl Frashërit ishte: trojet shqiptare të shpërndara në atë kohë në vilajetet e Kosovës, Shkodrës, Manastirit dhe Janinës të bashkoheshin në një vilajet të vetëm me emrin “Vilajeti i Shqipërisë” dhe, me krijimin e kushteve të favorshme për shqiptarët, synimi i mëtejshëm i kësaj platforme do të ishte: krijimi i Shtetit Autonom ose i Shtetit të Pavarur të Shqipërisë. 

Read more ...