Pas kritikës së Ramës, flet Altin Dumani: SPAK nis hetimet për krimet zgjedhore pasi këtë e kërkoi Parlamenti
Drejtuesi i Prokurorisë së Posaçme (SPAK), Altin Dumani, gjatë një deklarate të premten, shpjegoi arsyet pse institucioni që ai drejton ka ndërmarrë një iniciativë për të hetuar krimet zgjedhore.
Dumani tha se hetimet për krimet zgjedhore bazohen në ligjin shqiptar dhe në rezolutën e Kuvendit. Ai i bëri komentet një ditë pasi kryeministri Edi Rama kërkoi që të ndalet “survejimi i partive politike në proces zgjedhor”.
Spitali i Tropojës s'ka mjekë, pacientët drejt Gjakovës! Ministria s'plotëson kërkesat
Mungesa e mjekëve specialistë është bërë një problem shumë shqetësues në spitalet e vendit tonë, ku për shkak të kësaj situate pacientët janë të detyruar të udhëtojnë në qytete më të mëdha për të marrë shërbimin mjekësor të nevojshëm.
Një shembull i tillë është spitali i Tropojës, i cili vazhdon të ketë mungesë të mjekëve specialistë prej disa vjet, duke i detyruar banorët të udhëtojnë për vizita dhe ndërhyrje më të specializuara drejt Gjakovës.
"Do të infiltrohen njerëz në shtabet elektorale..."/ Gazetarët japin detaje nga strategjia e SPAK për zgjedhjet
SPAK ka përpiluar një strategji për zgjedhjet, ku do të angazhohen prokurorë, për të evidentuar shkeljet gjatë fushatës zgjedhore. Gazetarët e ftuar në emisionin "Të Paekspozuarit" në MCN TV, shpjeguan strategjinë dhe hapat që do të ndërmarrë SPAK.
Klodiana Lala: Strategjia është hartuar nga britanikët, me ndihmën e tyre, mendojnë se do të japë rezultat. Strategjia ka të bnëjë me financimin e fushatës. Pra nëse bëhet një miting, do të shihet se kush e financon, sa do të deklarohet në KQZ, e me rradhë. Tre nga prokurorët e posaçëm do të qëndrojnë në Tiranë. Të tjerët kanë një rreth të caktuar, Fier, Durrës, Vlorë e me rradhë. Do të jepet informacion në qendrën e koordinimit. Do të ketë përgjime ambientale, telefonike, e me rradhë.
Ajo që e tremb politikën, ka të bëjë me financimin e fushatës zgjedhore. Ka patur fushata shumë të kushtueshme këtu, janë deklaruar në KQZ shume pak para. E dyta, çfarë tremb shtabet, janë infiltrimi i personave. SPAK do të infiltrojë persona në shtabet elektorale. Këto janë veprime proaktive, nuk ka të bëjë me spiunimin.
Mitingu që dha sinjalet se Rama i lau duart me Veliajn
Në një miting të përmortshëm, të ngjashëm me atë që regjimi komunisti zhvilloi pas ikjes së rrefugjatëve të ambasadave, në 2 korrik ’90, Edi Rama dha shenja të dukshme se ai e ka lënë pas kufomën politike të Erion Veliajt. Ndonëse i’u përgjërua mbështetësve në tkurrje të Lalit, se ai po mbahet në burg pa gjyq, kryeministri përçoi mesazhin se Tiranna tani ka zot atë vetë.
Përgjatë të gjithë tubimit me rrogëtarët e bashkisë, qofshin lulishtarë, policë apo zjarrfikës, u dhanë disa shenja të qarta se epoka e Veliajt ishte mbyllur dhe se ai do të qëndronte gjatë në burg. Lapsi.al i mbajti shënim, një për një ato.
Të tëra të linin të kuptoje se kryetari qe një ‘ish’ me mungesën e të cilit duhej të mësoheshin, sepse sipas parashikimeve atë nuk do ta lironte as Apeli, as Gjykata e Lartë.
Shenjën e dha zv/kyetarja e parë e Bashkisë, Anuela Ristani, së cilës në mes të një flalimi sa bazik aq dhe patetik pro Veliajt i kishin dhënë edhe një mesazh të gatshëm: ‘Dua ti uroj kryeministrit rikthim të mbarë në skuadrën e Tironës’. Pra mjafton kjo për të kuptuar se Veliaj tashmë ishte zëvendësuar.
Por ajo që u tha me gojë duhej bërë e perceptueshme edhe vizualisht. Në mes të fjalës së Anuela Ristanit dhe asaj të Edi Ramës, rogëtarët që po ngrinin në acar, ndoqën një video mbi 20 minutshe në pjesën dërrmuese të së cilës tregohej se kishte qenë Edi Rama ai që e kishte transformuar kryeqytetin në vite. Pra se mungesa e Erionit nuk ndryshonte asgjë.
Më e fortë u bë kjo linjë kur fjalën e mori vetë kryeministri. “Nuk më takon mua të them nëse Lali Eri është i pafajshëm apo fajtor dhe pavarësisht se çfarë mendojmë ne këtu barra ime është që në këtë detyrë të qëndroj mbi opinionin tim edhe në këtë rast dhe t’ia lë drejtësisë ta ndajë këtë dilemë, duke mbështetur pavarësinë e organeve të drejtësisë”, tha shefi i qeverisë.
Duke folur për atë që duhet bërë në të ardhmen, një lapsus i pandërgjegjshëm e tradhëtoi Ramën. Ai i foli punonjësve të bashkisë se në këto muaj pa Veliajn duhet të qenë të mobilizuar për ta mbajtur njësoj kryeqyetin të pastër dhe me të njëjtin ritëm pune, deri sa të mbahet samiti i liderëve të BE-së në 16 maj. Po çfarë nënkupton kjo, mos vallë se Rama është i bindur se deri atëherë Veliaj do të qëndrojë në izolim?
Pra, janë disa shenja që të bëjnë të dyshosh se kryeministri është dorëzuar përballë fakit të kryer.
Edhe mediat që bëjnë propogandën e tij e vërtetojnë këtë. Televizioni ABC e tiulloi këshu një nga kronikat për miingun: “Rama në ‘krye’ të Tiranës’. Ndërsa duke komentuar uzurpimin e postit të kryebashkiakut nga kryeministri, gazetari kritik Enton Abilekaj shkruajti me ironi: “Nuk shkoi keq funerali politik i Veliajt. Çfarë do ndodhe nese apeli e liron? Do shkarkohet Rama nga drejtimi i Bashkise?
Në fakt, shenjat janë të dukshme se kjo nuk do të ngjajë. Por, atëhere, kur duket se Rama është i ndërgjegjshëm për këtë, natyrshëm lind pyetja: Pse kur e di se Veliaj do kalbet në burg, shefi i qeverisë sulmon SPAK-un, organizon mitingje dhe bën sikur e mbron atë që deri dje shitej si pasardhësi i tij?
Arsyet mund të jenë disa, por njëra prej tyre lidhet me frikën se Veliaj mund të ndjekë linjën e Arben Ahmetajt. Dhe Rama i trembet përsëritjes së precedentit kur një nga bashkëpunëtorët më të afërt shndërrohet në akuzues.
E dyta ka të bëjë me faktin se jemi dy muaj para fushatës elektorale dhe shefi i PS nuk do të humbasë në Tiranë asnjë nga mbështetësit sado të paktë të Lalit.
Prandaj ai lëshon lot krokodili duke e ditur shumë mirë se burgu për të do të jetë i gjatë. Por, pavarësisht nga këto hipoteza një gjë ishte e dukshme në tubimin e sotëm me rogëtarët e Bashkisë: Edhe për Ramën Tirana e mbylli kapitullin Veliaj. /Lapsi.al
SPAK godet “Bajrat”, krahun e armatosur të PS në Shkodër
Meqënëse të mërkurën në mbrëmje, iu prezantua shqiptarëve si një i ftuar në studion e Top Story në ekranin e Top Channel, ndërkohë që duhej të ishte në qelitë e paraburgimit, forcat RENEA i dhuruan Safet Bajrit një prezantim tjetër tek të gjitha ekranet e televizioneve njëherësh.
Vetëm se kësaj radhe, teksa parakalonte nën objektivin e kamerave, imazhi i Safet Bajrit ishte një tjetër: me duart e prangosura nga pas dhe i shoqëruar nga dy efektivë me maska, që e mbanin nga krahët. Ndaj kur pa suprizën e hidhur në hyrjen e Drejtorisë së Policisë, Safet Bajri s’mund të bënte tjetër, veçse ta përcillte me një buzëqeshje. Foto më poshtë: