Lidhje

site logo site logo
Paraardhëse Tjetra
Lajm i Fundit
Editorial Analiza Pasazhe

Home Aktualitet Vendi


Kulla e re në Shkodër, Myfti Sytari: Po ndërtohet në tokën e grabitur të muslimanëve

Wednesday, 01 October 2025 19:40

Komuniteti Mysliman i Shkodrës ka reaguar ndaj një projekti të qeverisë dhe bashkisë për ndërtimin e një kulle në zemër të qytetit. Myftiu Muhamed Sytari e ka konsideruar atë të paligjshëm dhe të ndërtuar mbi një pronë të grabitur. Në faljen e së premtes, Sytari publikoi dokumente që sipas tij dëshmojnë pronësinë e Myftinisë së Shkodrës mbi truallin ku parashikohet të ndërtohet kulla.

 

“Askush nuk ka të drejtë të shkelë mbi pronën tonë me projekte që cenojnë historinë, identitetin dhe të drejtën e Zotit mbi këtë tokë,” u shpreh Sytari. Ai lëshoi edhe një paralajmërim të fortë për autoritetet dhe investitorët që po shtyjnë përpara ndërtimin, duke thënë se nuk do të qëndrojnë të heshtur përballë një padrejtësie të tillë.

Read more ...


Për të blerë një hyrje duhen 19 paga vjetore, 6 vjet më shumë se një dekadë më parë rekord në Europë

Wednesday, 01 October 2025 09:41

Blerja e një apartamenti në kryeqytet është bërë një mision i pamundur për shumë individë, që i sigurojnë të ardhurat e tyre përmes pagës si në sektorin privat ashtu dhe në administratën publike. Çmimet e apartamenteve vitet e fundit janë rritur me ritme shumë më të shpejta sesa pagat, duke zgjatur më shumë kohën që duhet punuar për të siguruar një shtëpi tënden.

“Monitor” ka përllogaritur treguesin e përballueshmërisë së strehimit, apo aftësisë blerëse për banesë, që mat se sa paga vjetore reale bruto duhen për të blerë një apartament të ri, me një madhësi standarde prej 70 metra katror.

 

Në vitin 2014, një apartament kushtonte mesatarisht 820 euro për metër katror, sipas të dhënave nga KeyData, një njësi që gjurmon ecurinë e shitjeve dhe çmimeve të apartamenteve në kryeqytet. Në atë vit, paga mesatare reale (e indeksuar me inflacionin ku si bazë është viti 2020) ishte rreth 51 mijë lekë, sipas të dhënave zyrtare të INSTAT. Një apartament 70 metra katror kushtonte rreth 56 mijë euro.

Në atë vit kursi ishte në disavantazh të blerësit, pasi euro këmbehet mesatarisht me gati 140 lekë dhe si rrjedhojë, një apartament, i konvertuar në monedhën vendase kushtonte rreth 8 milionë lekë. Për të blerë një shtëpi nevojitej që individi të punonte mesatarisht 13.1 vite.

Read more ...


“Nëse do të shkatërrosh një komb pa luftë, bëje shthurjen dhe lakuriqësinë pjesë të zakonshme të brezit të ri”

Monday, 29 September 2025 09:20

Një shprehje e njohur, e cila qarkullon prej vitesh në rrjet dhe shpesh i atribuohet figurave të njohura historike, thotë: “Nëse dëshiron të shkatërrosh një komb pa luftë, bëje shthurjen dhe lakuriqësinë të zakonshëm në brezin e ri.”

Kjo frazë, pavarësisht burimit, gjen jehonë të fortë në shoqërinë tonë, ku teknologjia dhe rrjetet sociale janë kthyer në fushëbeteja për vlerat. Nuk ka nevojë për bomba apo ushtri; armët e reja janë lehtësia e aksesit, shpejtësia e përhapjes dhe pranimi i normave të reja.

 

Mbështetësit e kësaj shprehjeje shohin një paralele të drejtpërdrejtë me trendet aktuale. Bota sot nuk po shkatërrohet nga një fuqi e jashtme, por nga një prirje për të shfaqur dhe glorifikuar atë që dikur konsiderohej private apo tabu.

Nuditeti dhe ekspozimi nuk kufizohen më vetëm në art apo nëpër plazhe; ato janë kthyer në vlerë të mediave sociale. Të rinjtë, të ndikuar nga algoritmet që favorizojnë "tronditjen vizuale", shpesh e gjejnë veten duke garuar për vëmendje përmes thyerjes së barrierave morale. Qëllimi është klikimi, vlera është shikueshmëria, dhe çmimi mund të jetë erozioni i vazhdueshëm i standardeve personale.

 

Ajo që thënia sugjeron është se rreziku më i madh nuk është akti në vetvete, por normalizimi i tij. Kur këto veprime që prekin stabilitetin familjar bëhen të zakonshme dhe normë, themeli i shoqërisë, familja dhe komuniteti, fillon të lëkundet.

Nëse brezi i ri rritet në një shoqëri ku gjithçka ekspozohet pa asnjë pasojë, çfarë vlere do të ketë angazhimi, besimi dhe përgjegjësia? Shthurja i dobëson lidhjet familjare; kjo çon në një shoqëri më të fragmentuar dhe më të lehtë për t'u manipuluar ose për t'u shpërbërë nga brenda.

 

Për shumë njerëz, kjo shprehje është një thirrje zgjimi. A është e vërtetë që një komb mund të ketë ekonomi të fortë dhe infrastrukturë moderne, por të shkatërrohet nga brenda nëse humbet busullën morale?

Përgjigja ndoshta qëndron te vlerat. Kur një komb humbet vetëpërmbajtjen dhe respektin për institucionet bazë si martesa dhe familja, ai humbet një pjesë të identitetit të tij. Dhe, siç thotë thënia, ky shkatërrim ndodh pa asnjë shkrepje arme, por përmes një ndryshimi të heshtur dhe progresiv të sjelljes.


Silva Caka do të bëhet “shefe” e policëve që e dhunuan para Teatrit

Friday, 26 September 2025 22:08

Ish-deputetja e LSI-së, Silva Caka, një ndër personat më të besuar të Ilir Metës, u emërua ditën e sotme nga Edi Rama në postin e zëvendësministres së Brendshme. Ajo kaloi papritur “ylberin”, pasi ka patur vazhdimisht qëndrime mjaft të forta, në kufijtë e fyerjeve, ndaj Edi Ramës dhe qeverisë së tij.

 

Por, vlen të theksohet edhe një fakt tjetër, pasi Silva Caka do të bëhet “shefe” e policëve që e dhunuan më 17 Maj të vitit 2020, ditën e shembjes së Teatrit Kombëtar. Teksa po protestonte bashkë me qytetarët, Silva Caka u shoqërua dhunshëm nga ana e Policisë, madje pati deklarata dhe denoncime se ajo ishte dhunuar edhe në furgonin e efektivëve gjatë shoqërimit për në komisariat. Madje në atë kohë, Silva Caka paralajmëronte edhe kallëzim penal ndaj forcave “Shqiponja” të Policisë së Shtetit.

Read more ...


Shqipëria me rritjen më të lartë në Europë për net-qëndrimet turistike

Friday, 26 September 2025 09:14
 Shqipëria shënoi rritjen më të lartë në Europë për net-qëndrimet turistike gjatë tremujorit të dytë 2025, me një zgjerim prej 32.5% krahasuar me të njëjtën periudhë të vitit të kaluar. Sipas të dhënave të fundit të Eurostat, në periudhën prill–qershor në vend u regjistruan gjithsej 2,347,717 net-qëndrime. Rritja u nxitur kryesisht nga turistët e huaj, që shtuan qëndrimet me 34.2%, ndërsa ato të vendasve u rritën me 27.8% krahasuar me tremujorin e dytë 2024.
 

Sa i përket llojit të akomodimit, hotelet dhe strukturat e ngjashme regjistruan 2,158,276 netë, me një rritje prej 31.7%. Në akomodimet e pushimit dhe qëndrimit afatshkurtër (shtëpi me qira, vila turistike, bujtina) u shënuan 170,755 netë, duke u rritur me 43.3%, ndërsa në kampingje u regjistruan 18,686 net-qëndrime, një rritje prej 47.6% krahasuar me të njëjtën periudhë të një viti më parë.

 

Në gjysmën e parë të vitit 2025, në Bashkimin Europian u regjistruan 1.279 milion netë qëndrimi në strukturat turistike, një rritje prej 2.3% krahasuar me të njëjtën periudhë të vitit 2024 (1.249 milion).

Në nivel shtetesh, rritjen më të madhe e shënuan Malta (+12.7%), Letonia (+8.6%) dhe Polonia (+8.5%). Në të kundërt, Irlanda regjistroi një rënie prej -3.5%, ndërsa Gjermania (+0.2%), Suedia (+0.5%) dhe Belgjika (+0.9%) raportuan rritjet më të ulëta.

 

Vizitorët e huaj (jo-rezidentë të vendit, si nga BE ashtu edhe jashtë saj) përbënin gati gjysmën (48.0%) e të gjitha netëve të qëndrimit në gjysmën e parë të vitit 2025, me dallime të mëdha mes vendeve të BE-së. Pjesa më e lartë e netëve të qëndrimit të vizitorëve të huaj në fillim të vitit u regjistrua në Maltë (93.6%), Qipro (93.1%) dhe Kroaci (87.6%).

Në të kundërt, vizitorët e huaj përbënin më pak se një të pestën e netëve të qëndrimit në Gjermani (18.5%), Poloni (19.2%) dhe Rumani (20.2%).

 

Rritja e netëve të qëndrimit nga vizitorët e huaj në gjysmën e parë të 2025 ishte +3.1% krahasuar me të njëjtën periudhë të vitit 2024, pak më e lartë se rritja e netëve të brendshme (+1.7%).

Rritjet më të mëdha të netëve të qëndrimit të vizitorëve të huaj u regjistruan në Maltë (+13.0%), Letoni (+12.8%) dhe Finlandë (+12.3%). Në krahun tjetër, Irlanda (-6.1%), Suedia (-5.3%) dhe Gjermania (-2.9%) ishin të vetmet vende që përjetuan rënie./

Back to top
XS
SM
MD
LG