Analiza e BSH: Çmimi i banesave rritje të vazhdueshme ka ndikuar tek rritja e çmimeve
Saturday, 10 February 2024 17:17
Një analizë e fundit e Bankës së Shqipërisë vëren se çmimet e banesave në Shqipëri janë rritur pa ndalim për rreth 6 vite radhazi, përpara dhe pas pandemisë. Rezultatet paraprake kanë demonstruar se ecuria e çmimit të banesave është e lidhur me të ardhurat për frymë. Rritja e këtyre të fundit shihet si faktori më i qenësishëm për shpjegimin e rritjes së vrullshme të çmimeve në vitet e fundit. Faktorët e tjerë përcaktues të çmimit të banesave mund të përfshijnë blerjet e jorezidentëve, huadhënien bankare, kostot e ndërtimit dhe normat e interesit. Ndryshe nga disa perceptime, qiratë dhe lëvizjet demografike paraqiten me influencë mjaft të ulët.
