Tashmë e kthyer në një traditë, një grup protestuesish, kanë kaluar sërish natën para kryeministrisë. Ata kanë marrë batanije e mbulesa dhe kanë qëndruar në shenjë rezistence kundër qeverisë “Rama” në karriget metalike. Protestuesit kanë zgjedhur të njëjtin vend, te pemët pranë godinës së Kryeministrisë duke mos penguar lëvizjen e automjeteve.
Protesta e 26-të para kryeministrisë u hap me leximin sërish të kërkesave të qytetarëve, ku theksojnë se kërkesa kryesore e tyre është largimi i kryeministrit Edi Rama.
Abuzuan me fondet e ndihmës ekonomike, lëshohen masat e sigurisë për 6 funksionarë publikë
Gjashtë funksionarë të shtetit janë vënë nën masa sigurimi me kërkesë të Prokurorisë së Elbasanit, pasi dyshohen për përfshirje në një skemë abuzimi me fondet shtetërore të ndihmës ekonomike, duke i shkaktuar buxhetit një dëm prej rreth 12.5 milionë lekësh.
Sipas njoftimit zyrtar, Gjykata e Shkallës së Parë e Juridiksionit të Përgjithshëm Elbasan ka caktuar masat “Detyrim për t’u paraqitur në policinë gjyqësore” dhe “Pezullim i ushtrimit të një detyre apo shërbimi publik” ndaj gjashtë personave me detyra si administrator shoqëror, postier, drejtor drejtorie në bashki dhe specialistë të administratës.
Helmohen përsëri! 60 kursantë të Akademisë së Sigurisë përfundojnë në spital, nisin hetimet për shkaqet
Rreth 30 kursantë të Akademisë së Sigurisë kanë marrë ndihmë mjekësore pas shfaqjes së simptomave si të vjella, diarre, temperaturë dhe dhimbje koke gjatë mbrëmjes së të mërkurës.
Sipas informacioneve paraprake, kursantët janë transportuar në grupe drejt spitalit për trajtim dhe vlerësim mjekësor. Autoritetet po hetojnë për të përcaktuar shkakun e incidentit, ndërsa nuk përjashtohet mundësia që simptomat të jenë shkaktuar nga ushqimi i konsumuar në institucion.