Ligji 7501 është komunist në frymë dhe arbitrar në zbatim– Fjalimi i Abdi Baletës që paralajmëroi ndarjen e padrejtë të tokës

Thursday, 09 October 2025 10:51

• Written by /vna.al

Në pranverën e vitit 1993, debati për pronësinë e tokës mbërriti në një nga pikat më të nxehta të jetës parlamentare shqiptare.
Pas miratimit të ligjit nr. 7501 “Për tokën” në vitin 1991, Kuvendi i Shqipërisë diskutonte një projektligj të ri “Për kompensimin në vlerë”, që synonte të përcaktonte mënyrën e dëmshpërblimit për pronarët e tokave të shpronësuara gjatë regjimit komunist.

Në këtë seancë, deputeti Abdi Baleta mbajti një nga fjalimet më të forta të periudhës postkomuniste, duke e cilësuar ligjin ekzistues si “të padrejtë në themel, arbitrar dhe me frymë komuniste”.
Në fjalën e tij, Baleta paralajmëroi me tone të forta:

“Ky ligj do t’i lërë shqiptarët në sherr për shumë kohë. Ky ligj u bën dëm të madh interesave kombëtare të shqiptarëve.”

Fjalë që sot tingëllojnë si një profeci për debatin e pafund mbi pronësinë dhe padrejtësitë që e shoqëruan tranzicionin shqiptar.

Më poshtë botohet fjalimi i tij i plotë, siç është mbajtur në sallën e Kuvendit të Shqipërisë më 21 prill 1993, nën drejtimin e kryetarit Pjetër Arbnori.

“Ish-shefi i Operacionales Oltion Bistri, monstra që kërcënon gjyqtarët e nxjerr në pritë njerëzit e drejtësisë!”

Thursday, 09 October 2025 10:34

• Written by /JOQ

“Ish-shefi i Operacionales, Oltion Bistri, ka nxjerrë në pritë njerëzit e drejtësisë.” Kështu deklaroi ish-kryetari i Gjykatës së Apelit, Alaudin Malaj, gjatë një interviste.

Ai theksoi se ky i fundit ka kërcënuar gjyqtarë fuke u shkuar nëpër shtëpi. Ndër të tjera shtoi se i dhanë dhe lekët sepse kishte blerë disa prona tek kulla Syri i Tiranës së Armand Lilos.

"Analiza e ngjarjes duhet bërë në kompleksitet, nga se nisi. Pse po ndodhin këto fenomene tani. Gjyqtarët kërcënohen gjithmonë. Ne kemi pasur Oltion Bistrin. Monstra e gjyqësorit. Kërcënonte gjyqtarët, shkonte nëpër shtëpi. Janë të regjistruara të gjitha çështjet, ka nxjerrë në pritë njerëzit e drejtësisë. Nuk e heton njeri. I dhanë dhe lekët, se kishte blerë disa prona te Syri i Tiranës, i kthyen dhe lekët."

Duke komentuar ngjarjen e rëndë të ndodhur një ditë më parë në ambientet e Gjykatës së Apelit, ku u vra gjyqtari Astrit Kalaja, Malaj theksoi se është pothuajse e pamundur që një person të kalojë me armë dhe të hyjë në sallën 3, aty ku ndodhi ngjarja tragjike.

Djali i Gramoz Ruçit merr 50 mijë m² buzë detit me firmën e Armando Subashit

Tuesday, 07 October 2025 21:38

• Written by JOQ

Djali i ish-kryetarit të Kuvendit, Gramoz Ruçi, ka përfituar një sipërfaqe gjigante toke buzë detit Adriatik, në zonën e Topojës, Fier, për ndërtimin e një parku fotovoltaik, me firmën personale të kryebashkiakut Armando Subashi, dikur vartës politik i vetë Ruçit.

Sipas dokumenteve zyrtare, Ledian Ruçi, përmes kompanisë së tij “SLR Albania” sh.p.k., ka marrë në përdorim 50.000 metra katrorë tokë ranishte në zonën kadastrale nr. 3358, me kontratë qiraje të firmosur më 9 korrik 2022 ndërmjet Bashkisë Fier dhe subjektit privat.

Read more ...

Bisedat në Sky ECC për tjetërsimin e pronave në Lalëz/ “Rrumi i Shijakut”: Fola me Monikën…

Tuesday, 07 October 2025 08:22

• Written by /Blod News

Dosja hetimore e Prokurorisë së Posaçme që çoi në goditjen e grupit kriminal ku bënin pjesë Avdylajt dhe Aleksandër Laho, i njohur ndryshe “Rrumi i Shijakut”, tregon lidhjet mes tyre dhe egërsinë që kishin ndaj anëtarëve të grupit rival, ku si kreun e tij konsideronin Plaurent Dervishajn.

Në dokumentin prej 236 faqesh, pjesë e dosjejes voluminoze të hetuar nga SPAK, me përgjime të realizuara përmes aplikacionit të enkriptuar Sky ECC, që datojnë rreth katër vite më parë, evidentohet një bisedë mes Aleksandër Laho, i njohur si “Rrumi”, dhe Vullnet Muçës, ku ky i fundit pretendon se ka folur me “Monikën” dhe “Fredin” në aplikacionin SkyEcc.

Read more ...