Detaje nga sulmi te ‘CFO Pharma’. Pronari i kompanisë i përfshirë në fajde!

Thursday, 20 March 2025 13:50

• Written by /NOA

Zbulohet kush ishte personi që tërhoqi zvarrë me makinë policin e rrugores në Tiranë!

Thursday, 20 March 2025 09:45

• Written by /Shqipëria ime

Një ngjarje e rëndë ka ndodhur një ditë më parë te rrethrrotullimi i Unazës së Re, në rrugën “Sotir Caci”, Policia bën të ditur se punonjësi i Komisariatit të Policisë Rrugore Tiranë, i planëzuar me shërbim, i ka bërë shenjë ndalimi një automjeti, pasi ka konstatuar lëvizje të pakontrolluara në rrugë.

Drejtuesi i automjetit nuk i është bindur urdhrit të punonjësit të Policisë për të ndaluar, por ka vijuar lëvizjen.

Duke vijuar lëvizjen, drejtuesi i automjetit e ka tërhequr punonjësin e Policisë, për disa metra, duke i rrezikuar jetën.

Punonjësi i Policisë e ka ndjekur dhe ndaluar automjetin, dhe i ka kërkuar drejtuesit, t’i paraqesë dokumentacionin. Drejtuesi i automjetit e ka kundërshtuar dhe më pas e ka goditur punonjësin e Policisë, duke i shkaktuar dëmtime fizike. 

Mësohet se agresori është Florjan Koçeku, i cili është vënë në pranga.

Njoftimi i policisë:

Kundërshtoi dhe goditi për shkak të detyrës, punonjësin e Policisë Rrugore, në detyrë, vihet në pranga 31-vjeçari.

Më datë 18.03.2025, te rrethrrotullimi i Unazës së Re, në rrugën “Sotir Caci”, punonjësi i Komisariatit të Policisë Rrugore Tiranë, i planëzuar me shërbim, i ka bërë shenjë ndalimi një automjeti, pasi ka konstatuar lëvizje të pakontrolluara në rrugë.

Drejtuesi i automjetit nuk i është bindur urdhrit të punonjësit të Policisë për të ndaluar, por ka vijuar lëvizjen.

Duke vijuar lëvizjen, drejtuesi i automjetit e ka tërhequr punonjësin e Policisë, për disa metra, duke i rrezikuar jetën.

Punonjësi i Policisë e ka ndjekur dhe ndaluar automjetin, dhe i ka kërkuar drejtuesit, t’i paraqesë dokumentacionin.

Drejtuesi i automjetit e ka kundërshtuar dhe më pas e ka goditur punonjësin e Policisë, duke i shkaktuar dëmtime fizike.

Shërbimet e Policisë kanë shoqëruar në Komisariat drejtuesin e automjetit, dhe në përfundim të veprimeve procedurale për rastin, specialistët për Hetimin e Krimeve të Komisariatit të Policisë Nr. 4 bënë arrestimin në flagrancë të tij, konkretisht shtetasit F. K., 31 vjeç, banues në Tiranë.

Materialet procedurale iu referuan Prokurorisë së Tiranës, për veprime të mëtejshme.

Zjarri shkrumboi fermën me 319 bagëti, dëmi deri në 100 mln lekë! Pronari: Pa ndihmën e shtetit, mbyllemi!

Thursday, 20 March 2025 09:03

• Written by /JOQ

Një zjarr i fuqishëm ka përfshirë një stallë bagëtish në fshatin Barbullojë të Lezhës, duke shkaktuar dëme të mëdha. Ngjarja ndodhi më 19 mars 2025 në pronën e shtetasit Gjin Toma, ku flakët kanë shkrumbuar të gjithë stallën dhe rreth 319 krerë bagëti, kryesisht dele dhe qingja, të cilat ndodheshin brenda saj.

Sipas të dhënave paraprake, dyshohet se zjarri është shkaktuar nga një shkëndijë elektrike, por autoritetet po vijojnë hetimet për të përcaktuar shkaqet dhe rrethanat e sakta të incidentit. Grupi hetimor ndodhet në terren për të mbledhur prova dhe për të verifikuar nëse ka pasur faktorë të tjerë që mund të kenë ndikuar në përhapjen e flakëve.

Fermeri Gjin Toma bën të ditur se si pasojë e zjarrit kanë ngordhur 319 bagëti të imëta dhe 9 gjedhë, duke shkaktuar një dëm ekonomik që vlerësohet nga 90 deri në 100 milionë lekë të vjetra. Ai apelon për ndihmë nga autoritetet vendore, duke theksuar se zjarri mund të jetë shkaktuar nga një shkëndijë elektrike si pasojë e amortizimit të rrjetit.

“Në orën 5 të pasdites dje ka rënë zjarri këtu në fermë nga shkëndija e korrentit. Dyshoj te korrenti edhe për shkak të amortizimit. Më ka djeg 270 dele, vetëm një shpëtoi dhe 40 qingja. Gjithashtu dy lopë dhe 7 viça. Stalla është 130 metra katrorë. Kurse tjetra shpëtoi se erdhi zjarrfikësja dhe e shpëtoi stallën tjetër. Ishte era e fortë dhe prej saj. Dëmi shumë i madh është por s’kemi ç’ti bëjmë. Ne i kemi bërë të gjitha, po na ndihmoi mirë, po s’na ndihmoi s’kemi çfarë të bëjmë. Kam 12 vjet që merrem me këtë, ne NIPT e me dokumente. Po na ndihmoi shteti do i bëjmë përsëri, po nuk ndihmoi do t’i heqim edhe këto që kemi”, shprehet fermeri.

Në përpjekje për të shuar flakët, dy mjete zjarrfikëse u dërguan menjëherë në vendngjarje, por për shkak të përmasave të mëdha të zjarrit, u kërkua ndihmë edhe nga bashkitë Kurbin, Mirditë dhe Vau Dejës për mjete dhe forca shtesë. Megjithatë, pavarësisht ndërhyrjes, dëmet e shkaktuara mbetën të konsiderueshme.

Si reaguan socialistët që u flakën nga Rama në listën e hapur

Thursday, 20 March 2025 08:24

• Written by /Lapsi.al

Përpos eleminimit të 1/3 së grupit parlamentar që ka sot, lideri socialist u’a ka bërë pothuajse të pamundur garën edhe atyre që i ka degdisur në listën e hapur. Të detyruar të përleshen me shoku-shokun, për ato pak vende që sigurohen – përpos atyre që përzgjidhen pa votë-, shumë deputetë kanë reaguar në mënyra të ndryshme.

I pari që dha sinjalin se nuk do të merrte pjesë në këtë asgjesim vëllavrasës, ishte Nasip Naço. Të gjithë e mbajnë mend atë videon virale kur, nën avujt e alkoolit, në shoqërinë e Lefter Kokës, Rama e ftonte Naçon të tradhëtonte Ilir Metën, për ti’u bashkuar PS-së. Por, tani kur ish presidenin e ka kalbur në burg edhe “besprerin” Naço e flaku si limon të shtrydhur.

Kjo e bëri Nasipin të reagojë me ironi: “Unë e falënderoj zotin Rama që vuri kritere të forta, që edhe ai që nuk e mendonte duhet ta kuptojë se vjen një ditë kur duhet të ikë”, shkroi ai.

Read more ...