Gazetari Sokol Bregu, duke komentuar në emisionin “Të Paekspozuarit” në MCN TV atentatin me 4 të plagosur mbrëmjen e të enjtes së kaluar, në rrethrrotullimin e Shkozës në Tiranë, u shpreh se në ngjarje dyshohet se ka marrë pjesë një grup me 16 vetë.
Sipas tij është i njëjti grup që ngatërroi edhe shënjestrën në një atentat në Don Bosko, gati dy vite më parë, ku mbeti e vrarë një banakiere.
“Roan Brahimi, në një dekadë në krim ka marrë pjesë në shumë ngjarje kriminale dhe ia la familjes bnë shpinë. Nuk bëj lidhje me ngjarjen në Lundër sepse duhet të kemi të bëjmë me një grup që ka angazhuar 16 vetë.
I njëjti grup ngatërroi edhe vrasjen e banakieres në Don Bosko, ku shënjestër ishte Fatjon Murati. U hap zjarr nga jashtë i pakontrolluar.
A kanë ngatërruar targën e automjetit? Policia po heton në tre pistave. Shumica mendojnë se nuk ka lidhje me familjes së kompanisë së Security. Dy të tjera lidhen me ngjarjen e Lezhës.
Nëse do të ketë ndodhur në këtë formë, në Shqipëri njihet një atentat në këtë lloj forme, ndaj bosit të krimit Emiljano Shullazi që nuk e vrisnin dot dhe i plagosën shokun.
Kemi të bëjmë me një grup të jashtëzakonshëm nëse ka ndodhur kështu”- tha Bregu.
Kongresistë demokratë dhe republikanë kanë paraqitur një rezolutë në Kongresin e SHBA-së përmes së cilës kërkohet të nderohet e mbijetuara e dhunës seksuale gjatë luftës në Kosovë,
Vasfije Krasniqi-Goodman dhe po ashtu kërkon t’i jepet fund pandëshkueshmërisë për krimet e luftës të kryera nga forcat serbe.
Këtë rezolutë e paraqiti kongresistja Julie Johnson, ndërsa është sponsorizuar nga kongresistë tjerë si Keith Self, Ritchie Torres, Jim McGovern, Marc Veasey, Alexandra Ocasio-Cortez, George Latimer, Mike Laëler dhe Ilhan Omar.
“Forca e Vasfijes ka frymëzuar njerëz të shumtë në mbarë botën, por drejtësia për atë që ajo duroi kurrë s’ka ardhur. Kjo rezolutë dërgon një mesazh të qartë: komuniteti ndërkombëtar nuk duhet të shikojë larg nga krimet e luftës. Të mbijetuarit meritojnë përgjegjësi – jo heshtje. Kjo nuk ka të bëjë vetëm me atë që ndodhi 25 vjet më parë – ka të bëjë me atë që ne jemi të gatshëm të bëjmë tani për t’i mbrojtur të drejtat e njeriut, për t’i fuqizuar të mbijetuarit dhe për të thënë të vërtetën”, ka thënë kongresistja Johnson.
Vasfije Krasniqi ka falënderuar kongresistët për rezolutën.
Në rezolutë i kërkohet Qeverisë së Kosovës t’i mbajë zotimet ndaj të mbijetuarve dhe t’u japë prioritet rasteve të pazgjidhura të dhunës seksuale nga lufta e vitit 1999. I bëhet thirrje Qeverisë së Serbisë t’i ndjekë penalisht ata që janë përgjegjës për krimet seksuale gjatë luftës. I bën presion Qeverisë së SHBA-së që të lartësojë rastin e Vasfije Krasniqi-Goodmanit në angazhimet diplomatike me Serbinë dhe të forcojë përpjekjet e SHBA-së për ta parandaluar dhunën me baza gjinore në nivelin global.
“Kjo rezolutë është dëshmi e një përkushtimi të palëkundur ndaj drejtësisë dhe llogaridhënies për 20 mijë të mbijetuarve të krimeve seksuale gjatë luftës në Kosovë. Faleminderit për mbështetjen tuaj të pandërprerë ndaj të mbijetuarve në kërkim tonë për drejtësi dhe llogaridhënie, dhe mezi presim ta zhvendosim këtë legjislacion në Komision për Punë të Jashtme dhe edhe më tej”, ka thënë Vasfije Krasniqi.
Vasfije Krasniqi-Goodman ka shkruar në Facebook për Rezolutën 26, ku i ka falënderuar si kongresistët që e paraqitën ashtu edhe bashkëhartuesen Vera Mjeku.
Derisa për këtë Rezolutë ka shkruar edhe drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti
“Një hap i madh drejt drejtësisë! Kongresi Amerikan paraqet Rezolutën 26 – një zë i fuqishëm kundër krimeve të dhunës seksuale në Kosovë. Një betejë e gjatë, e dhimbshme dhe e heshtur që më në fund po merr vëmendjen që meriton. Mirënjohje për ty Vasfije Krasniqi Goodman– simbol i guximit – dhe Vera Mjeku për përkushtimin dhe zërin e palodhur në këtë rrugëtim drejt së vërtetës. Kjo rezolutë sjell shpresë për çdo të mbijetuar që ka pritur drejtësi për vite me radhë”, ka shkruar Rushiti.
Beteja 10-vjeçare e dy aktivistëve shqiptarë për mbrojtjen e lumit Vjosa nga ndërtimi masiv i hidrocentraleve, deri në shpalljen e tij nga qeveria shqiptare si Park Kombëtar, është vlerësuar me çmimin ‘Goldman’ për vitin 2025 – i njohur gjithashtu si Nobeli i mjedisit.
Shpallja e Vjosës park kombëtar siguroi mbrojtjen e 270 kilometrave të lumit, i cili rrjedh i lirë përmes Shqipërisë, si dhe të degëve të tij, duke përfshirë gjithsej 400 kilometra të korridoreve të egra lumore.
“Parku Kombëtar i Vjosës është një model i ri, që Shqipëria ia jep Evropës, por edhe botës, se si duhet të mbrohet natyra dhe sidomos ekosistemet e ujërave të ëmbla, që janë kritikisht në zhdukje,” tha Olsi Nika, duke reflektuar mbi rëndësinë e mbrojtjes që ka marrë lugina e Vjosës.
“Pas shpalljes Park Kombëtar, mendoj se objektivi i radhës është vendosja në jetë dhe përmirësimi i planit të menaxhimit të Vjosës,” shtoi ai.
Edhe Besjana Guri tha se puna e saj për mbrojtjen e Vjosës vetëm sa ka filluar.
“Puna ime me Vjosën nuk mbaron këtu, nuk mbaroi as dy vite më parë kur u shpall Park Kombëtar, aq më tepër pas marrjes së këtij çmimi që është një shtysë shumë e madhe për të vijuar punën me Vjosën dhe aktivizmin në Shqipëri,” tha ajo.
“Fokusi kryesor do të jetë tek Shushica, degë kryesore e Vjosës, uji i së cilës planifikohet të devijohet,” – shtoi Guri.
Çmimi Goldman për mjedisin, i njohur ndryshe si “Nobeli i gjelbër”, jepet çdo vit për aktivistë lokalë nga gjashtë kontinente, që ndërmarrin nisma të jashtëzakonshme për të ndihmuar komunitetet e tyre.
“Ka qenë një vit i vështirë, si për njerëzit, ashtu edhe për planetin,” tha Jennifer Goldman Wallis, nënkryetare e Fondacionit Goldman për Mjedisin. “Ka kaq shumë gjëra që na shqetësojnë, na stresojnë, na zemërojnë dhe na ndajnë. Por për mua, këta udhëheqës dhe mësues mjedisorë dhe komuniteti global që i mbështet — janë zgjidhja.”
Fituesit e tjerë të “Goldman Prize 2025” janë: Semia Gharbi nga Tunizia, Batmunkh Luvsandash – Mongoli, Carlos Mallo Molina – Ishujt Kanarie, Laurene Allen – Shtetet e Bashkuara, Mari Luz Canaquiri Murayari nga Peruja.
Çmimi Goldman për Mjedisin u krijua në vitin 1989 nga filantropët e ndjerë të San Franciskos, Richard dhe Rhoda Goldman. Fituesit e çmimit zgjidhen nga një juri ndërkombëtare nga nominimet konfidenciale të dorëzuara nga një rrjet global organizatash dhe individësh mjedisorë.
Gjatë 36 viteve, çmimi “Goldman” ka pasur një ndikim të jashtëzakonshëm në mbarë botën. Deri më sot, ai ka nderuar 233 fitues – mes tyre 106 gra – nga 98 vende të ndryshme.
Prokuroria Themelore në Ferizaj kërkon masën e paraburgimit për të miturin R.B., si të dyshuar për vrasjen e zyrtarit policor, Muhamed Lika. “Prokuroria Themelore në Ferizaj, njofton opinionin publik se ka kërkuar nga Gjykata Themelore në Ferizaj, caktimin e masës së paraburgimit ndaj një personi të mitur, për shkak të dyshimit të veprës penale Vrasja e rëndë sipas Kodit Penal të Republikës së Kosovës.
Sipas Prokurorisë, ekziston dyshimi i bazuar se më 01.04.2025, reth ores 23:00, në Kaçanik, në rrugën “Idriz Seferi”, përkatësisht në katin e II-të të hyrjes së ndërtesës, i mituri ne bashkëkryerje me madhorët me iniciale: H.B., R.M., V. ç., E.L., Sh.K., dhe D.G., me dashje dhe përgatitje paraprake ka privuar nga jeta tani të ndjerin zyrtarin policor, M.L., në atë mënyrë që viktima pas përfundimit të orarit të punës, rrugës për në banesen e tij, ku i njëjti ishte përcjellur në vazhdimesi nga madhorët deri te hymja e banesës se tij ku, pasi që hynë në objektin e banesës ku ka jetuar duke u ngjitur shkallëve, i mituri i shkon nga mbrapa dhe pasi që viktima hynë në objektin banesor pas tij hyn edhe i mituri, ku me të takuar të ndjerin ka shtënë në drejtim të tij me armë zjarri.
Sipas gazetares Klodiana Lala, kanë qenë punonjësit e AMP-së dhe BKH-së që kanë shkuar të ekzekutojne urdhërarrestin e SPAK për shefin e qarkullimit rrugor Tiranë. Arrestimi i Zekës është bërë në banesën e tij.
Gjithashtu SPAK ka lëshuar urdhërarrest për shefin e sektorit të Aksidenteve, Sokol Novaku, si edhe për Oficerin e Policisë Gjyqësore, Edison Tabaku.
Zyrtarët e poicisë akuzohen për korrupsion pasi ka dyshime se i kanë marrë para një gruaje për një aksident.
