U rr.ëzua a.ksidentalisht te Piramida, efektivja 22-vjeçare ndërron j.etë në spital
Një ngjarje e rëndë ka ndodhur në kryeqytet, ku një 22-vjeçare ka ndërruar jetë në spitalin e Traumës. E reja, efektive e policisë është rrëzuar aksidentalisht pak ditë më parë te Piramida. Ajo ka qenë jashtë shërbimit, ndërsa mësohet se ka përplasur kokën në një nga shkallët. Fatkeqësisht 22-vjeçarja nuk i mbijetoi dot plagëve dhe ndërroi jetë në spital.
Ndërkohë grupi hetimor po vijon punën për zbardhjen e plotë të rrethanave të ngjarjes.
Jugu i Shqipërisë drejt shpopullimit, nuk ka më fëmijë
Sipas Censit 2023, lindshmëria në jug të Shqipërisë ka rënë në nivele alarmante. Në njësitë administrative Frashër dhe Voskopojë, fëmijët përbëjnë më pak se 2% të popullsisë, ndërsa në disa zona të tjera si Pogon, Zagori, Aliko dhe Dropull, fëmijët nën 14 vjeç përfaqësojnë më pak se 5%. Këto zona përballen me rrezik të lartë shpopullimi, ndërsa pjesa më e madhe e popullsisë është në moshë të avancuar.
Në kontrast, Kukësi udhëheq për lindshmëri të lartë. Ish-Komuna Tërthore ka 27% të popullsisë fëmijë nën 14 vjeç, ndërsa njësi të tjera si Gjinaj dhe Kolsh ndjekin me përqindje të ngjashme. Megjithatë, kjo zonë mbetet ndër më të varfrat në vend, duke reflektuar kontraste të thella midis lindshmërisë dhe kushteve ekonomike.
Absurditet shqiptar: Çmimet e ushqimeve u rritën 9 herë më shumë se inflacioni
Viti 2023 shënoi rritje të ndjeshme të çmimeve të produkteve bujqësore në Shqipëri, duke tejkaluar disa herë nivelin mesatar të inflacionit. Sipas të dhënave të INSTAT, inflacioni mesatar për vitin ishte 4.7%, por për disa produkte të shportës bazë, rritja e çmimeve varionte nga 3 deri në 9 herë më shumë.
Produktet që pësuan rritjen më të madhe ishin ato të konsumit të përditshëm, si qumështi, i cili shënoi një rritje nga 18% deri në 43% krahasuar me vitin 2022. Ky artikull, që është thelbësor për ushqyerjen e fëmijëve dhe të rriturve, reflektoi barrën më të madhe ekonomike mbi familjet shqiptare.
“Nuk është TikTok”, gazetarja tregon rrjetin më të rr.ezikshëm për f.ëmijët: Aty ka p.edofili, flitet për sh.itje o.rganesh
Shoqëria shqiptare po përballet me një situatë që duket se për momentin nuk ka zgjidhje, rritja e dhunës te fëmijët. Lidhur me këtë fenomen në rritje shumë mendojnë se fajtorë janë rrjetet sociale, dhe më shumë se gjithë të tjerët është TikTok.
Por për gazetaren Mirilda Tili TikTok mbetet e keqja më e vogël, pasi në rrjet qarkullojnë faqe edhe më të rrezikshme. E pranishme në sutdion e “Quo Vadis” në Vizion Plus, Tili ka theksuar se sot fëmijët kanë akses në “Dark Web”, faqe në të cilën ka pornografi, pedofili por edhe shitje organesh.
Pandeli Majko: B.urgu është për burrat dhe socialistët, më dhemb për shokët e partisë që godet SPAK-u
Deputeti Pandeli Majko, duket se ka dalë nga radhët e zyrtarëve të tjerë të Partisë Socialiste dhe shefit të tij Edi Rama, se për këdo që godet SPAK-u përgjegjësia është personale.
Majko deklaron se i dhemb për secilin nga shokët dhe shoqet e partisë që godet SPAK-u, madje sipas tij, ka pasur raste kur ka ngelur dhe pa tekst, për persona që ka punuar në krah bashkë me ta.