Telegrami i Popullit Mysliman për Xhaminë e Vjetër

Monday, 07 September 2026 08:38

• Written by Mexhis

Behar Kacelli

Populli Mysliman i Tiranës dhe i qarqeve të sajë, dëshiron me mish e me shpirtë që Xhamia e Vjetër e këtij qyteti të rindërtohet po në truellin e vet të sotshëm. E kërkon themelimin e kësaj faltoreje të shejtë aty për arsye Historike dhe Fetare, pse:

1.Xhamia e Vjetër asht ndertesa mâ e parë e themelueme në Tiranë nga Sulejman Pasha për kujtim të këtij bamirsi të math duhet të ekzistojë aty ku asht;
2.Pse qysh prej 340 e sa vjet e këndej, vizhdimisht e pa ndërpremë në kit faltore janë bamë ibadete, lutje fetare, Salavati-Sherife, Mevlute dhe asht këndue Kur-ani-Qerimi.

Kështu Sherefi dhe fama qi ka kjo faltore e kërkon puna të ngrefet po aty, tue pasë pranë edhe monumentin e themeluesit të sajë.

Edhe në pikëpamje fetare duhet qi rindërtimi i xhamijave të bahen në truellet qi kishin. Populli Mysliman i këtushëm, po sa mori vesht pregaditjen e platkit për themelimin e xhamisë së vjetër n'atë vënd, spontanisht dhe me nji gëzim e enthuziazëm të math filloj të derdhi ndihma.

Prandaj na Komisioni i dalun nga gjini i popullit Mysliman për themelimin e kësaj xhamije, lutemi nxehtësisht të keni mirësine me urdhunue qe të pezullohet ç'do projekt i nisun për okupimin e truellit të Xhamisë Vjetër; pse populli i Tiranës ket xhamie e konsideron si nji Qaabeje dytë. Veçanërisht lutemi me disponue autoritetit përkatse qi të na lejojnë me rindërtue Xhaminë e Vjetër sa ma parë aty ku asht sod.

Tue qene mase te sigurtë se kjo dëshirë e popullit të cilin neve e përfaqsojme do të merret në kensideraten t'uaj te Naltë, ju parashtrojmë respektet t'ona te plota.

Qamil Shtiza, Imerr Vaqarri, Ramazan Qyqja, Xhafer Qosja, Ali Kaceli, Xhemal Zela, Qazim Demneri, Osman Sallaku, Selman Qosja, Ismail Xhepa, Haki Sharofi, Sali Llagami, Et-hem Tabaku, Muharrem Cela, Sefer Vogli, Haxhi Tahiri, Ismail Maçi, Selim Vathi, Fehmi Kazazi, Mehmet Bulku, Gani Petrela, Ramazan Skenderi, Reshit Deliu, Mehmet ……, Ibrahim Hallulli, Hafiz Ismet Dibra, Haxhi Hasan Bakalli, Ali Liba, Xhemal Tafaj, Hafiz Ibrahim Dalliu, Haxhi Qamil Turkeshi, Hysen Alimehmeti.

ALLAHU I MESHIROFTE TE GJITHE KETO BURRA

Botërori i minifutbollit/ Shqipëria mes 16 më të mirave të botës, Irtan Sejko udhëheq kuqezinjtë drejt fazës së 1/8-ave

Sunday, 06 September 2026 16:00

• Written by Mexhis

Shqipëria ka siguruar një vend mes 16 skuadrave më të mira të Botërorit të minifutbollit, duke kaluar në fazën e 1/8-ave të turneut që po zhvillohet në Essen të Gjermanisë.

Kuqezinjtë, të drejtuar nga Irtan Sejko, zhvilluan një aventurë pozitive në këtë kompeticion, duke arritur deri në fazën e eliminimit direkt dhe duke u renditur mes më të mirëve të botës.

Në fazën e 1/8-ave, Shqipëria u përball me Brazilin, në një ndeshje që përfundoi me fitoren 7-2 të brazilianëve. Ky rezultat i dha fund rrugëtimit të kuqezinjve në Botëror, por jo vlerës së arritjes së tyre për të qenë pjesë e 16 skuadrave më të mira.

Ndeshja Brazil-Shqipëri u shoqërua me tension të madh, sidomos në fund të saj. Pas përfundimit të takimit pati një përleshje mes lojtarëve të dy skuadrave, ndërsa në fushë u hodhën edhe sende nga tifozët shqiptarë.

Forcat e sigurisë ndërhynë për të rikthyer qetësinë, ndërsa Shqipëria e mbylli aventurën e saj në Botëror mes 16 më të mirave.

Për skuadrën e drejtuar nga Irtan Sejko, kalimi në fazën e 1/8-ave përbën një rezultat të rëndësishëm dhe një paraqitje pozitive në skenën botërore të minifutbollit.

Pas sulmit në Leipzig, Rama i bëhet sërish avokat Vuçiçit në Evropë

Sunday, 06 September 2026 12:47

• Written by Mexhis

Kryeministri Edi Rama gjatë fjalës së tij në forumin Cernobbios në Itali deklaroi se Serbia është një lloj kafshe e çuditshme në xhunglën e Ballkanit.

Read more ...

Le Monde godet Ramën: Kulla, resorte dhe “star-arkitektë” në shërbim të pushtetit

Sunday, 06 September 2026 11:08

• Written by Mexhis

Gazeta franceze Le Monde i ka kushtuar një analizë të gjerë modelit të zhvillimit urban dhe turistik në Shqipëri, duke e vendosur kryeministrin Edi Rama në qendër të një sistemi ku arkitektura dhe emrat e mëdhenj ndërkombëtarë përdoren, sipas gazetës, si pjesë e një strategjie për të projektuar jashtë vendit imazhin e një Shqipërie moderne, dinamike dhe tërheqëse për investitorët. Shkrimi thekson se Rama ka ndërtuar prej vitesh një marrëdhënie të drejtpërdrejtë me arkitektë të njohur botërorë, të cilëve u janë besuar projekte të mëdha në Tiranë dhe në zonat bregdetare.

Sipas Le Monde, pas kësaj fasade modernizuese qëndron një debat gjithnjë e më i ashpër mbi mënyrën se si po transformohen qytetet dhe bregdeti shqiptar. Gazeta përshkruan një model zhvillimi të karakterizuar nga projekte të mëdha, kulla, resorte dhe ndërhyrje urbane të konsideruara nga kritikët si ekstravagante dhe të realizuara me kontroll të pamjaftueshëm urbanistik, mjedisor dhe social. Në këtë lexim, arkitektura nuk paraqitet vetëm si çështje estetike, por si instrument politik dhe ekonomik, përmes të cilit krijohet një narrativë modernizimi ndërsa fitimet, sipas kritikëve të cituar, përqendrohen te një numër i kufizuar investitorësh dhe grupesh të privilegjuara.

Në qendër të artikullit është edhe vala e protestave që shpërtheu pas kundërshtimeve ndaj projekteve turistike në Zvërnec dhe Sazan, të lidhura me investimin miliarda dollarësh të kompanisë së Jared Kushner. Le Monde e lidh mobilizimin qytetar me shqetësimet për kufizimin e aksesit publik në bregdet, ndikimin mbi biodiversitetin, mungesën e transparencës dhe mënyrën se si miratohen projektet e mëdha turistike. Sipas gazetës, përplasja në Zvërnec u kthye në pikënisjen e një revolte më të gjerë politike, e cila më pas u zhvendos në Tiranë dhe u shoqërua me kërkesa që shkuan përtej çështjeve të urbanistikës, deri te reforma kushtetuese dhe zgjedhore dhe dorëheqja e kryeministrit.

Një vend të veçantë në analizë zë roli i të ashtuquajturve “star-arkitektë”, të cilët prej vitesh janë ftuar në Shqipëri nga Rama për projekte të mëdha publike dhe private. Gazeta sjell edhe protestën e qindra arkitektëve, artistëve dhe ambientalistëve shqiptarë, të cilët u kanë kërkuar emrave të njohur ndërkombëtarë që të mos bëhen pjesë e asaj që ata e konsiderojnë një “zbukurim” të një modeli zhvillimi që dëmton interesin publik. Në këtë kontekst, arkitektura është kthyer në simbolin e një përplasjeje më të madhe mes zhvillimit ekonomik të promovuar nga qeveria dhe akuzave se ky zhvillim po favorizon interesa të mëdha private.

Le Monde nënvizon gjithashtu se fama ndërkombëtare e arkitektëve është përdorur nga Rama si argument për cilësinë dhe seriozitetin e projekteve. Kryeministri, nga ana e tij, ka hedhur poshtë akuzat për mungesë transparence dhe ka mohuar se projektet po cenojnë interesin publik apo mjedisin, duke i cilësuar disa prej kritikave si dezinformim. Megjithatë, gazeta franceze vëren se protestat dhe reagimi i komunitetit profesional shqiptar kanë filluar ta vënë nën presion narrativën e deritanishme të qeverisë, duke e kthyer arkitekturën nga vitrinë e modernizimit në një nga fushëbetejat kryesore politike të momentit.