Modeli ekonomik, Shqipëria kampione e Europës në ndërtim
Sunday, 04 May 2025 19:35
Shqipëria është karakterizuar nga një zhvillim ekonomik i paqëndrueshëm, për të mos thënë kaotik, pas viteve ’90. Rritja ishte e shpejtë deri në ‘96-n, e ndikuar nga privatizimet, tregtia, hapësirat e mëdha për biznes, si dhe nga konsumi i nxitur nga skemat piramidale.
Rënia e këtyre të fundit çoi në krizën e ‘97-s, me tkurrje ekonomike në gati 12%. Rikuperimi ishte i shpejtë, një tipar ky që e ka karakterizuar ekonominë gjatë këtyre dekadave, me bizneset e konsumatorët që përshtaten shpejt, si nëpërmjet vetëpunësimit ashtu edhe hapësirave të tjera për të bërë biznes.
