Ministrja e Jashtme gjermane e hapur ndaj sanksioneve të BE-së kundër ministrave ekstremistë të Izraelit
Monday, 02 September 2024 20:36
Ministrja e Jashtme gjermane Annalena Baerbock nuk përjashtoi sanksione të mundshme të BE-së kundër ministrave të ekstremit të djathtë të Izraelit, por nënvizoi se kjo do të kërkojë një vendim unanim nga shtetet anëtare, raporton Anadolu.Duke folur me gazetarët në Bruksel, përpara një takimi jozyrtar të ministrave të jashtëm të BE-së, Baerbock shprehu shqetësim të madh për dhunën në rritje nga kolonët ekstremistë izraelitë dhe komentet nxitëse nga ministrat e ekstremit të djathtë të Izraelit."Si Gjermani, ne gjithmonë kemi kritikuar ashpër deklaratat e bëra nga ministra të ndryshëm izraelitë në muajt e fundit, kur ata bënin thirrje për akte dhune, kur këto deklarata janë kundër ligjit ndërkombëtar, kundër Marrëveshjes së Oslos", tha ajo.
