Tirana me një datë të re...

Tuesday, 26 September 2023 22:13

• Written by Lidhja E Hoxhallarëve.com

Numër special i revistës KIBLA

Tirana 100 vjet më herët se sa data e themelimit të saj? KIBLA tashmë me një numër special, ku për herë të parë nëpërmjet burimeve arkivore osmane gjendet një dokument më i hershëm se sa i vitit 1614 për Tiranën. Pas disa përpjekjesh disavjeçare nëpër arkivat e ndryshme turke historiani Behar Kaçeli në gjurmim të burimeve osmane për Shqipërinë arrin të gjejë në Defterin e Sanxhakut të Ohrit të vitit 1519 edhe të dhëna të plota dokumentare për Tiranën. Në këtë pikë historiani Behar Kaçeli pas hulumtimesh të gjata nëpët Arkivat Osmane në Turqi në mbrojtje të tezës së magjistraturës arrin të gjejë të dhëna jo vetëm për Tiranën, por edhe për themeluesin e saj Sulejman pashë Mulletin (Bargjini). Faksimilet e këtij defteri janë riprodhuar në faqet e Kibles, ku përveç kësaj do të gjeni një dosier të pasur historik me ngjarjet në Bulçesh dhe një intervistë shumë interesante me hoxhë Burhan Filin dhe peripecitë e tij. Tirana dhe Hafiz Ibrahim Dalliu është filli përshkues i artë i këtij numri special, por edhe ana e përshpirtmërisë ku hoxhallarët tonë të mirënjohur tashmë japin këshillat e tyre.

Read more ...

Kibla 16 dhe politika...

Tuesday, 26 September 2023 22:07

• Written by Lidhja E Hoxhallarëve.com

Agjërimi dhe politika janë dy temat kryesore të numrit të fundit të revistës Kibla, e cila tashmë ka mbërritur në numrin e saj të 16. Dy tema të nxehta këto për ditët që po kalojmë në këtë pranverë të trazuar politikisht. Hoxhallarë të mirënjohur tashmë edhe në fushën e të shkruarit janë të angazhuar edhe në këtë numër të Kibles duke sjellë opinionet dhe këshillat e tyre. Bekir Halimi, Bledar Myftari e Lidhja e Hoxhallarëve të Shqipërisë në një takim të vetin të kthyer në një vendim i kanë kushtuar një vëmendje të posaçme politikës dhe zgjedhjeve të fundit. Ndërsa rubrika e studimeve dhe e sociales janë shumë të pasura me shkrimet e hoxhë Justinian Topullit, hoxhë Ervin Muratit, të Qani Sulkut etj. Atdhedashuria dhe feja janë kryefjala e këtyre shkrimeve tejet të vlefshme që na ofrojnë hoxhallarët tonë, ku po ashtu ky binom nuk shihet i ndarë ashtu si e trajtonin edhe hoxhallarët tonë të vjetër. Qytetit të Tiranës i kushtohet përsëri vëmendje e veçantë edhe në këtë numër nga historiani Behar Kaçeli. Ky është viti i pestë për revistën Kibla dhe që përbën një arritje të posaçme për stafin e revistës.

Lidhja E Hoxhallarëve.com

KIBLA dhe Aksaja në numrin e 17

Tuesday, 26 September 2023 22:04

• Written by Mexhlis

Tashmë Kibla është kthyer në një media serioze dhe e vlerësuar nga lexuesi për rubrikat dhe përmbajtjen e pasur të shkrimeve që ka në çdo numër, ku edhe ky i fundit i vënë në qarkullim dallohet për dizajnin dhe shkrimet e larmishme historiko-studimore mbi Palestinën. Në këto shkrime përfshihen vlerat e vendeve të shenjta si Xhamia Aksa, histori mbi Palestinën si dhe posaçërisht janë edhe dy fermane të lëshuara nga hazreti Omeri Allahu qoftë i kënaqur me të për Kudsin dhe patriarkun e krishterë Sofronin. Këto dy fermane kanë qenë më pas baza ku janë mbështetur të gjithë juristët islamë për të mirëmbajtur dhe vendosur harmoninë midis popullatës së krishterë dhe të drejtave të tyre të jetës së përditshme në vendet e ndryshme muslimane. Në numrin 17 të revistës do të gjeni edhe dy studime të mirëfillta mbi historiografinë palestineze si dhe mbi vetitë juridiko-historike të së Drejtës Ndërkombëtare Islame.

Read more ...

Skandali/Gruaja shkon "për t'u shëruar", i moshuari lajthit: Do të të heq magjinë dhe e fton për marrëdhënie seksuale

Tuesday, 26 September 2023 22:01

• Written by Klan.Tv