Garda e Iranit: Haniyeh u vra nga predha 7 kg, me rreze të shkurtër veprimi
Shefi politik i Hamasit, Ismail Haniyeh u vra me një “predhë me rreze të shkurtër veprimi” të qëlluar nga jashtë shtëpisë së tij në Teheran, thotë Korpusi i Gardës Revolucionare të Iranit (IRGC).
Linjat ajrore pezullojnë fluturimet për në Izrael dhe Liban mes frikës së një konflikti më të gjerë në Lindjen e Mesme
Linjat ajrore nga SHBA-ja, Evropa dhe Azia kanë pezulluar fluturimet drejt Izraelit dhe Libanit, duke përmendur shqetësimet e sigurisë pas zhvillimeve të fundit në Lindjen e Mesme, transmeton Anadolu.Vendimi vjen pas vrasjes në Teheran të shefit politik të Hamasit, Ismail Haniyeh. Hakmarrja e pritshme nga Irani kundër Izraelit ka rritur rreziqet e sigurisë, duke ndikuar në operacionet e linjave ajrore. ‘United Airlines’, e cila realizon 14 fluturime javore midis New Yorkut dhe Izraelit, ka pezulluar fluturimet drejt Izraelit deri më 6 gusht.
Boksierja algjeriane e polemikave fiton përsëri dhe siguron medalje në Lojërat Olimpike
Boksierja algjeriane Imane Khelif, e cila ka përfunduar në qendër të polemikave për shkak të faktit se nuk ka kaluar testin e përshtatshmërisë gjinore në Botërorin e një viti më parë, ka siguruar një medalje në Lojërat Olimpikë pasi mundi në çerekfinale hungarezen Luka Hamori.
Khelif kishte përfunduar në qendër të polemikave edhe më shumë pasi në raundin e mëparshëm një boksiere italiane ishte tërhequr nga gara pas pak sekondash kundër saj. Hamori, e cila kishte ndezur sfidën duke postuar një foto të saj duke u ndeshur me djallin, nuk kishte përgjigje për kundërshtaren., e cila dominoi gjithë ndeshjen dhe fitoi me unanimitet 5-0.
“Ethet” në Lindjen e Mesme për hakmarrje ndaj Izraelit, SHBA nis marrjen e masave, mbledh arsenalin ushtarak
Shtetet e Bashkuara po ecin përpara me grumbullimin më të madh të anijeve luftarake në Lindjen e Mesme që nga 7 tetori, pasi frika e hakmarrjes kundër Izraelit pas vrasjes së liderit të Byrosë Politike të Hamasit, Ismail Haniya, rrit klimën në rajon më të gjerë.
Pas telefonatës së presidentit amerikan Joe Biden me kryeministrin izraelit Benjamin Netanyahu, në të cilën Shtëpia e Bardhë premtoi mbështetje mbrojtëse për Tel Aviv në rast të sulmeve nga Hamasi, Hezbollahu dhe Houthis, SHBA-ja po dërgon një aeroplanmbajtëse, anije luftarake dhe një skuadrilje luftarake në Lindjen e Mesme ndërsa rajoni përgatitet për hakmarrjen iraniane.
Kërkon lirimin me kusht, shtyhet sërish seanca për Fredi Belerin
Eurodeputeti Fredi Beleri është paraqitur sërish në Gjykatën e Shkallës së Parë të Juridiksionit të Përgjithshëm Fier, për të kërkuar lirimin me kusht. Seanca e tij është shtyrë për herë të tretë.Beleri ndodhet pas hekurave prej datës 12 maj 2023 dhe u dënua me 2 vite burg për blerje votash. Ai arriti të fitojë zgjedhjet e 14 majit të vitit të kaluar nga qelia, por nuk u betua si kryebashkiak i Himarës pasi KQZ shpalli të pavlefshëm mandatin e tij. Ai u zgjodh eurodeputet i kandiduar nga Demokracia e Re në zgjedhjet europiane të 9 qershorit.