Vatikani ‘godet’ Trumpin: ‘S’mund të debatojë me Papën!’

Monday, 13 April 2026 18:31

• Written by Mexhis

Vatikani ka dalë me një reagim për herë të parë pas sulmit të presidentit amerikan, Donald Trump ndaj Papa Leo XIV. Një zyrtar i Vatikanit tha se udhëheqësi amerikan po përdor këtë gjuhë sepse sipas tij, Trump nuk mund të debatojë me Papën.

“Trump nuk debaton me Leon: ai i lutet atij të tërhiqet në një gjuhë që ai mund ta dominojë. Por Papa flet një gjuhë tjetër, një gjuhë që refuzon të reduktohet në gramatikën e forcës, të sigurisë, të interesit kombëtar”, tha At Antonio Spadaro në X.

Leo, Papa i parë amerikan, është bërë gjithnjë e më i zëshëm në lidhje me luftën e SHBA-së dhe Izraelit me Iranin, duke dënuar javën e kaluar retorikën dhe kërcënimet e Trump kundër popullit të Iranit si “vërtet të papranueshme”.

Duke folur me gazetarët të dielën në mbrëmje, Trump tha se nuk ishte një fans i Papa Leos. Ai theksoi se nuk i pëlqen një papë që është në rregull të kesh një armë bërthamore.

Trump akuzoi Papën se i shërbente të majtës radikale. Sipas tij Papa është i dobët në frontin e kriminalitetit dhe shumë i keq në politikën e jashtme.

Papa sfidon Trumpin: ‘S’kam frikë!’ – Përplasje e fortë mes Vatikanit dhe Shtëpisë së Bardhë për luftën në Iran

Monday, 13 April 2026 18:31

• Written by Mexhis

Papa Leo XIV ka folur për gazetarët teksa ka deklaruar se nuk ka frikë nga administrata Trump dhe do të vazhdojë të flasë hapur pasi presidenti amerikan kritikoi komentet e tij mbi luftën me Iranin.

“Nuk do të hyj në debat. Gjërat që them nuk kanë për qëllim të sulmojnë askënd”, u tha Papa Leo gazetarëve në aeroplan teksa po udhëton drejt Algjerisë.

Ai tha se fton të gjithë njerëzit të kërkojnë mënyra për të ndërtuar ura paqeje dhe pajtimi. Ai shtoi se duhet të kërkojnë mënyra për të shmangur luftën sa herë që të jetë e mundur». Papa u zotua të vazhdojë me atë që beson se është misioni i Kishës në botën e sotme.

“Nuk kam frikë nga administrata Trump apo nga të folurit me zë të lartë për mesazhin e Ungjillit, të cilin besoj se jam këtu për të bërë, atë për të cilën është këtu kisha. Ne nuk jemi politikanë, nuk merremi me politikën e jashtme me të njëjtën perspektivë siç mund ta kuptojë ai. Por unë besoj në mesazhin e Ungjillit, si një paqebërës”, tha ai.

Duke folur me gazetarët të dielën në mbrëmje, Trump tha se nuk ishte një fans i Papa Leos. Ai theksoi se nuk i pëlqen një papë që është në rregull të kesh një armë bërthamore.

Trump akuzoi Papën se i shërbente të majtës radikale. Sipas tij Papa është i dobët në frontin e kriminalitetit dhe shumë i keq në politikën e jashtme.

Trump shpërthen kundër Papës: ‘Shumë liberal, nuk beson te lufta, është aty falë meje!’

Monday, 13 April 2026 18:31

• Written by Mexhis

Presidenti amerikan Donald Trump ka deklaruar se nuk është një fans i madh i Papa Leo XIII, pas qëndrimeve të Papës kundër luftës dhe për paqe globale.

Duke folur për gazetarët në Bazën Ajrore Andrews në Maryland të dielën (12 prill), Trump e cilësoi Papën si “shumë liberal” dhe e akuzoi se “nuk beson në luftën kundër krimit”. Ai shtoi gjithashtu se Papa, sipas tij, mban qëndrime të buta ndaj Iranit, duke pretenduar se ai e konsideron të pranueshme posedimin e armëve bërthamore nga ky vend.

Më herët gjatë ditës, Trump publikoi një reagim të gjatë në rrjetin social Truth Social, ku kritikoi Papën për disa qëndrime ndërkombëtare, përfshirë kundërshtimin e operacioneve ushtarake amerikane dhe takimet me figura të afërta me ish-presidentin Barack Obama.

“Nuk dua një Papë që kritikon presidentin, sepse unë po bëj pikërisht atë për të cilën jam zgjedhur: të ulim krimin dhe të forcojmë ekonominë”, theksoi Trump.

Në të njëjtën kohë, ai publikoi edhe një imazh të krijuar me inteligjencë artificiale, ku shfaqej i veshur me simbole fetare, duke bekuar një person të sëmurë, mes elementeve simbolike amerikane.

Nga ana tjetër, Papa Leo, gjatë një vigjiljeje për paqe në Bazilikën e Shën Pjetrit në Romë, bëri thirrje për unitet dhe reflektim shpirtëror në një kohë që e cilësoi si “dramatike” për botën.

“Mjaft me idhujtarinë e ‘Unë’-së dhe parasë! Mjaft me shfaqjet e pushtetit! Mjaft me luftën! Forca e vërtetë manifestohet kur i shërbejmë jetës”, deklaroi ai, duke u bërë thirrje liderëve botërorë të zgjedhin dialogun dhe paqen në vend të përshkallëzimit ushtarak.

Irani thotë se ishte vetëm 'pak centimetra larg' marrëveshjes me SHBA-në në Islamabad

Monday, 13 April 2026 17:08

• Written by Mexhlis