Kancelari gjerman Friedrich Merz ka nisur një riorganizim të rëndësishëm të qeverisë dhe drejtimit të CDU-së, në përpjekje për të rifituar kontrollin politik pas muajve të parë të vështirë të koalicionit dhe rritjes së mbështetjes për të djathtën radikale AfD.
Greqia ka miratuar një paketë të gjerë armatimesh me vlerë deri në 3.5 miliardë euro, në qendër të së cilës qëndron sistemi i ri shumështresor i mbrojtjes ajrore dhe raketore, i quajtur “Mburoja e Akilit”. Vendimi u mor nga Këshilli Qeveritar grek për Politikën e Jashtme dhe Mbrojtjen, KYSEA, ndërsa ministri i Mbrojtjes, Nikos Dendias, deklaroi se sistemi synon ta mbrojë territorin grek nga raketat balistike, avionët luftarakë, dronët dhe mjete të tjera pa pilot.
Shtetet e Bashkuara kanë vendosur tarifa të reja ndaj 60 partnerëve të tyre tregtarë, duke i akuzuar se nuk kanë marrë masa të mjaftueshme për të bllokuar importin e mallrave të prodhuara me punë të detyruar. Administrata e presidentit Donald Trump njoftoi se tarifat, që variojnë nga 10% deri në 12.5%, hynë në fuqi më 24 korrik dhe prekin ekonomi të mëdha si Bashkimi Evropian, Kina, Mbretëria e Bashkuar, Kanadaja, Japonia dhe India.
Një cisternë nafte saudite është goditur në Detin e Kuq, duke ngritur shqetësime për sigurinë e një prej rrugëve më të rëndësishme të tregtisë botërore. Sensorët satelitorë të NASA-s regjistruan flakët në anijen Encelia, ndërsa autoritetet saudite konfirmuan sulmin dhe njoftuan se i gjithë ekuipazhi është shpëtuar.
Përgjegjësinë për sulmin e morën rebelët Houthi në Jemen. Zëdhënësi i tyre ushtarak, Yahya Sare’e, deklaroi se janë sulmuar dy anije saudite, Encelia dhe Layla, duke paralajmëruar se operacionet kundër Arabisë Saudite do të vazhdojnë.
Bashkimi Evropian(BE) ra dakord për paketën e tij të 21-të të sanksioneve kundër Rusisë të enjten, që synon të shtrëngojë kufizimet në sektorin e saj bankar dhe të rrisë presionin mbi industrinë e saj të naftës dhe gazit.
"Unë e mirëpres marrëveshjen për paketën e 21-të të sanksioneve kundër Rusisë. Në një kohë kur Ukraina ka ndërtuar një vrull ushtarak, sanksionet tona vazhdojnë të dobësojnë themelet ekonomike të përpjekjeve luftarake të Rusisë", tha presidentja e Komisionit të BE-së në platformën X.
