Ministri i Jashtëm rus Sergey Lavrov i cilësoi akuzat ndaj Rusisë lidhur me një incident me dron në Aeroportin e Leipzigut në Gjermani si “fillimin e një lufte të vërtetë”, transmeton Anadolu. Në një intervistë për median Vesti, Lavrov theksoi se “askush nuk u shqetësua të hetonte” se kujt i përkiste droni.
Numri i viktimave nga përmbytjet shkatërruese dhe rrëshqitjet e baltës në kufirin Nepal-Kinë është rritur në 1.398 me mbi 5.500 persona të zhdukur, treguan sot statistikat zyrtare. Nga të zhdukurit, 850 janë të huaj, sipas shifrave zyrtare nga Nepali dhe Kina. Autoriteti Kombëtar i Reduktimit dhe Menaxhimit të Rrezikut të Fatkeqësive të Nepalit tha se 1.355 trupa janë gjetur deri më tani, ndërsa rreth 5.000 njerëz, përfshirë 589 të huaj, mbeten të zhdukur.
Alternativa për Gjermaninë (AfD) ka fituar në mënyrë dërrmuese zgjedhjet parlamentare të 6 shtatorit në landin lindor gjerman të Saksoni-Anhaltit, duke marrë 43.8% të votave, sipas rezultatit zyrtar paraprak të publikuar mëngjesin e së hënës. AfD mori 576,037 vota të dyta, plot 23 pikë përqindjeje më shumë se në vitin 2021, kur kishte marrë 20.8%. Rezultati është jo vetëm rekord për AfD-në në një palë zgjedhje rajonale, por edhe përqindja më e lartë e arritur nga ndonjë parti në historinë e zgjedhjeve të landit Saksoni-Anhalt.
Rusia ka dërguar fëmijë të rrëmbyer ukrainas në një kamp veror në Korenë e Veriut, sipas një dokumenti të Bashkimit Evropian të cilin e ka parë Radio Evropa e Lirë, ku përshkruhet rundi i ri i planifikuar i sanksioneve. Dokumenti liston personat dhe entitetet që do të përfshihen në sanksionet e reja të BE-së ndaj Rusisë, të cilat pritet të miratohen javën e ardhshme.
Një marrëveshje politike mes së djathtës britanike dhe asaj franceze ka shkaktuar reagime të forta në Francë. Nigel Farage dhe Jordan Bardella kanë nënshkruar një memorandum që parashikon kthimin në Francë të azilkërkuesve që kalojnë Kanalin e La Manshit me varka të vogla dhe mbërrijnë në Britani.
