Të tjera detaje zbardhen nga dosja e përgjimeve të avokatëve. Në këtë fazë të dytë kemi dorëzimin e ryshfetit me qëllim për t’i lehtësuar masën e sigurisë shtetasit Blerand Kozici.Nikolla Hafesllari i drejtohet pikëtakimit me Nikolla Jeskun, i njohur ndryshe me pseudonimin “Dashi”. Rreth orës 14:05, Hafësllari telefonon “Dashin” për ta pyetur për vendndodhjen.
Alma Shehi tregon se ka humbur nënën dhe tre të afërm nga një aksident i rëndë, që ndodhi në vitin 2019, në Papër të Elbasanit. Ditën e ceremonisë mortore, në familjen e viktimës, shfaqet avokati Ardian Dauti, i cili u prezantoi të afërmve mundësinë e një dëmshpërblimi nga ky aksident. Pas dy vjetësh, avokati Dauti mbylli marrëveshjen e dëmshpërblimit me kompaninë e sigurimit dhe 4 pjesëtarët e familjes, që jetonin në Kanada, duhet të merrnin shumën e dakordësuar përmes bankave. Por, po bëhen dy vjet dhe përfituesve nuk u kanë kaluar paratë.
Nga Brukseli në mbledhjen e Komitetit Ekonomik dhe Social Europian për Planin e Ri të Rritjes për Ballkanin Perëndimor, kryeministri i vendit, Edi Rama është shprehur se tanimë po përjeton periudhën post-traumatike. Për këtë të fundit, Rama thotë se ndoshta të bën më shumë optimist nga se duhet në lidhje me procesin e integrimit të Shqipërisë në BE.Unë nuk fola për premtime boshe, por kalova një traumë për shkak të Bashkimit Europian -tha Rama.
Arratia e 35-vjeçari Ilir Koçilja, i cili vrau me thikë pas një sherri banal një person në Durrës përfundoi pas disa orësh. Ilir Koçilja dhe Halil Koka, që u konfliktuan këtë mesditë në Durrës, ishin fqinj me njëri-tjetrin. Sherri mes tyre nisi në lagjen numër 4 të qytetit, ku Koçilja sulmoi me thikë komshiun. I plagosur 40-vjeçari kapërceu rrugën dhe vrapoi për t’i shpëtuar agresorit të tij, por u rrëzua në rrugë, pranë kontejnerëve të mbetjeve urbane. “Erdhën me vrap, ngeli ai çuni. Ambulanca erdhi në kohë. Dëgjova që po shaheshin, pastaj erdhi policia“, tregon një dëshmitar.
"Repolitix" në Report Tv ka publikuar videon e arrestimit të Fredi Belerit në 1995 në Janinë së bashku me grupin "Mavi" që akuzohet se kreu “Masakrën e Peshkëpisë”. Posta Kufitare e Peshkëpisë në Gjirokastër, u sulmua më 10 prill të vitit 1994 nga grekët, të cilët, pasi vranë rojën, ushtarin Arsen Gjinin dhe komandantin e repartit, kapiten i parë, Fatmir Shehu, plagosën edhe efektivë të tjerë. Gazetari Ferdinand Dervishi tregon se një vit pas masakrës më 18-19 mars 1995, e njëjta skuadër që sumoi postën e Peshkëpisë, tenton të grabisë një postë në Llongo, por dështon dhe të gjithë anëtarët arrestohen. Në mesin e të arrestuarve ishte dhe Fredi Beleri.
