Begaj i dha ultimatum Iranit, por Vengu dhe FA i kanë lënë ushtarët e Shqipërisë pa uniforma

Sunday, 22 June 2025 18:32

• Written by /JOQ

Një ushtarak me mbi 10 vite shërbim i është drejtuar redaksisë për të denoncuar mungesën serioze të uniformave në Forcat e Armatosura. Sipas tij, prej më shumë se dy vitesh, pjesëtarët e ushtrisë nuk kanë marrë asnjë veshje zyrtare, ndërsa këpucët janë detyruar t’i blejnë me shpenzimet e tyre personale.

Qytetari denoncues thekson se situata është demoralizuese duke parë se vendet e tjera kanë përparuar me pajisje dhe armatime moderne dhe teknologji të avancuar, ndërsa Shqipëria nuk arrin të garantojë as minimumin për forcat e saj mbrojtëse.

Read more ...

A do rritet çmimi i naftës tek ne?

Saturday, 21 June 2025 17:36

• Written by /Berati TV

Të enjten, më 12 qershor, një ditë përpara nisjes së sulmeve ajrore dhe me raketa të Izraelit mbi Iran, nafta bruto Brent tregtohej në tregjet ndërkombëtare me 81.7 dollarë fuçia. Me sulmin e parë natën e së premtes, më 13 qershor, menjëherë u rrit në 85.6 dollarë, për të arritur të shtunën në 91.3 USD, ose një rritje më shumë se 11 për qind në dy ditë! Irani është një nga prodhuesit më të mëdhenj të naftës në botë. Me gjithë sanksionet amerikane për shitjen e naftës së tij, nafta iraniane sot jep 6 për qind të nevojave botërore, me prodhim prej mbi 3 milionë fuçish nafte në ditë.

Read more ...

Denoncim: “Gurorja e Ilir Metës” në Skrapar masakron Malin e Tomorrit!

Friday, 20 June 2025 22:28

• Written by Mexhlis

Mali i Tomorrit është shpallur Park Kombëtar, në vitin 2012. Fiks Fare dokumentoi me pamje shfrytëzimin barbar të Malit të Tomorrit. Disa firma operojnë në zonën e Skraparit, teksa marrin mermer prej shumë vitesh.

Ndërkohë, pavarësisht se në letrat e pushtetit lokal zona del pyll dhe kullotë, fizikisht e gjithë zona është shkatërruar. Fiks Fare udhëtoi në fshatin Mëlovë, në Skrapar, te guroret e mermerit. Lejet e para për shfrytëzimin e mermerit kanë filluar pas viteve 2000, ku deri më sot janë dhënë mbi 10 leje. Pjesa më e madhe e tyre janë dhënë në anën lindore të Malit të Tomorrit.

Read more ...

Denoncim: Instituti i Sigurimeve Shoqërore vonon pagesat për nënat pas lindjes, kërkohet zgjidhje

Friday, 20 June 2025 09:08

• Written by JOQ

Një qytetare i është drejtuar redaksisë së JOQ Albania për të denoncuar vonesat e përsëritura nga Instituti i Sigurimeve Shoqërore në lidhje me pagesat e raporteve mjekësore pas lindjes. Sipas qytetares e cila denoncon publikisht rastin, ndonëse dokumentacioni për raportin e fundit është dorëzuar që në datën 6 qershor, pagesa nuk ka kaluar ende, duke e lënë pa mbështetjen financiare të nevojshme.

Qytetarja thekson se ka 7 muaj që trajtohet me raport pas lindjes dhe përsëri është i njëjti problem, e njëjta situatë pa zgjidhje. Denoncuesja ngre shqetësimin se zyrat financiare të ISSH mbajnë raporte pa i dorëzuar në bankë shpesh për shkak të një firme të vetme që mungon, teksa shton se numrat e kontaktit të institucionit janë vazhdimisht të fikur çka e bën të pamundur komunikimin me të për të marrë një përgjigje apo një zgjidhje të problemit në fjalë.

Read more ...