Të akuzuarit për spiunazh, Bedri Shabani dhe Muharrem Qerimi, të hënën në shqyrtimin fillestar para Gjykatës Themelore në Prishtinë, janë deklaruar të pafajshëm lidhur me akuzat për spiunazh, shkruan Reporteri.net.
“Plotësisht jam i pafajshëm”, deklaroi Shabani.
Kurse, i akuzuari tjetër Muharrem Qerimi e pranoi fajësinë vetëm për armëmbajtje pa leje.
Një skandal tronditës ka përfshirë Shërbimin Informativ Shtetëror (SHISH), pasi disa drejtues të tij dyshohen për bashkëpunim me grupe të krimit të organizuar dhe shitje të informacioneve konfidenciale.
Sipas burimeve nga inteligjenca shqiptare për mediat, këto dyshime kanë detyruar drejtoreshën e SHISH, Vlora Hyseni, të kryejë një ristrukturim urgjent në drejtorinë e një qarku të njohur për ngjarje të rënda kriminale.
Protesta kombëtare e thirrur nga opozita më 15 mars kundër mbylljes së TikTok-ut ka vënë në gatishmëri Policinë e Shtetit. Tubimi do të zhvillohet nga ora 19:00 deri në 21:00, para Kryeministrisë në bulevardin “Dëshmorët e Kombit”. Policia do të bllokojë rrugët përreth dhe do të ketë devijime të trafikut.
Rreth 1,200 efektivë do të jenë në terren, ndërsa RENEA dhe Garda e Republikës do të jenë në gatishmëri për çdo ndërhyrje. Kamera me rezolucion të lartë do të monitorojnë protestën, ndërsa agjentët civilë do të mbajnë nën vëzhgim individët me histori dhune.
Që ushqimet, të cilat po shiten në supermarkete nuk po kontrollohen fare nga AKU, tashmë ky është një fakt, pasi çdo ditë në redaksinë e JOQ ALBANIA mbërrijnë raste, ku shihen qartë produkte të skaduara, të mykura dhe të kalbura.
Por së fundmi një qytetare është përballur me një tjetër problematikë pasi ka gjetur tel metalik brenda djathit kaçkavall “Mireli”. Ajo ka treguar se djathin e ka blerë në “Big Market”, Kamëz dhe sapo e ka hapur ka gjetur dy copa teli metalik që nuk dihet as nga kanë ardhur.
Ish-anëtarja e Partisë Demokratike Alesia Balliu që u largua në moment të fundit nga lista e hapur e PD në Elbasan dhe iu bashkua partisë "Shqipëria Bëhet" të Adriatik Lapajt, pasi nuk u fut në listën e mbyllur, edhe pse rezultonte një ndër më të votuarat në Primare, thotë se po kërcënohet.
Balliu akuzon PD se po e kërcënon me bandat e Elbasanit. Balliu tha se njerëz të bandës së Çapjave që lidhen me PD e kanë shantazhuar në telefon dhe deklaroi se do t’i drejtohet SPAK. Sipas saj, gjithë këtë situatë ia ka treguar edhe Berishës, por ky i fundit nuk ka pasur reagim.
