Kredi me interes zero për shtëpi, për punonjësit e administratës
Friday, 21 June 2024 11:57
300 punonjës të administratës publike do të përfitojnë kredi me interes zero për blerjen e banesës. Ministri i Ekonomisë, Kulturës dhe Inovacionit, Blendi Gonxhja bëri të ditur se ky vendim përbën një hap pozitiv për mbështetjen e profesionistëve të administratës publike, , duke u siguruar atyre mundësinë për të jetuar në kushte më të mira.“Një hap pozitiv për mbështetjen e profesionistëve të administratës publike, nëpërmjet një programi të veçantë që ofron kredi me 0% interes për blerjen e banesave, me qëllim përmirësimin e cilësisë së jetës së punonjësve, duke u siguruar atyre mundësinë për të jetuar në kushte më të mira dhe më të sigurta, pa u shpenzuar për interesat e kredisë”, u shpreh ai në një postim në rrjetet sociale.
