Rritja e rrogave nga 1 korriku, ja kategoritë e administratës me 135 mijë punonjës që përfitojnë
Punonjësit e sektorit publik përftojnë një tjetër rritje page. Vendimi u miratua sot në mbledhjen e Këshillit të Ministrave. Rritja e pagës, që hyn në fuqi nga 1 korriku, do të jetë për 135 mijë punonjës të administratës shtetërore, konkretisht punonjësit e sistemit arsimor parauniversitar, punonjësit e sistemit shëndetësor, punonjësit e sistemit të sigurisë së vendit (Policia e Shtetit, Policia e Burgjeve, Garda e Republikës, Forcat e Armatosura, Mbrojtja nga zjarri dhe shpëtimi) si edhe punonjësit e nivelit zbatues dhe mbështetës të administratës shtetërore.
Mbahet konferenca shkencore për 80-vjetorin e gjenocidit ndaj shqiptarëve të Çamërisë
Në Shqipëri shënohet këtë qershor 80-vjetori i gjenocidit ndaj shqiptarëve të Çamërisë, ndërkohë me ligj 27 qershori është shpallur në kalendarin kombëtar si "Dita e gjenocidit ndaj shqiptarëve të Çamërisë nga shovinistët grekë", raporton Anadolu.Në Tiranë është organizuar nga Fondacioni ALSAR konferenca shkencore me temë "80 vjet nga gjenocidi ndaj shqiptarëve të Çamërisë", me pjesëmarrjen e studiuesve të ndryshëm, duke u trajtuar temat në lidhje me çështjen çame.Kryetari i Fondacionit ALSAR, Mehdi Gurra, në fjalën e tij në hapje të konferencës u shpreh se konferenca organizohet për të përkujtuar një tragjedi njerëzore dhe një dramë me fund të dhimbshëm.
Për kë ndërtohet në Tiranë?
Ndërtimi në Tiranë gjatë 9 viteve të fundit nuk është në propocion me rritjen e popullisë. Të dhënat e Instat tregojnë se numri i popullsisë në Tiranë shënon tkurrje, ndërsa numri i banesave te reja shënon rritje çdo vit. Pra kërkesa e tregut apo e qytetarëve nuk eshte në përputhje me sasinë e ndërtimit që e ka kthyer Tiranën prej vitesh në një kantier ndërtimi.
Jona Plumbi
Në fillim të vitit 2023, kryebashkiaku Erion Veliaj tha se ritmet e dala jashtë kontrollit të ndërtimeve në Tiranë lidhen me numrin e shtuar të banorëve të Tiranës çdo vit dhe kërkesat e tyre për banesa të reja.
Zjarr në kodrat e Vainit në Lushnjë, digjen 5 hektarë ullinj dhe shkurre
Një zjarr ka rënë në orët e para të ditës së sotme në kodrat e Vainit në Karbunarë të bashkisë Lushnjë. Flakët kanë përfshirë kodrat me ullinj, drufrutore dhe shkurre. Mësohet se në vendngjarje kanë shkuar dy zjarrfikëset e bashkisë Lushnjë dhe efektivët e policisë. Pavarësisht ndërhyrjes së banorëve të zonës, efektivëve të sektorit zjarrfikës dhe të policisë, nga flakët e zjarrit janë djegur rreth 5 hektarë ullinj drufrutorë dhe shkurre.
Ndërhyrja e mjeteve zjarrfikëse ka qenë e pamundur për mungesë të rrugëve dhe terrenit të thyer kodrinor. Me mjete rrethanore dhe pompat e shpinës është bërë e mundur izolimi i flakëve për të mos rrezikuar banesat.
Skandali te Onkologjiku, ministrja Koçiu: Jam e neveritur, janë jashtë sistemit
Të gjithë personat e përfshirë në skandalin te Onkologjiku janë shkarkuar. Në një deklaratë për mediat, ministrja e shëndetësisë Albana Koçiu tha se personat e implikuar në shitjen e jashtëligjshme të ilaçeve të kimioterapisë nuk përfaqësojnë bluzat e bardha, ndërsa shtoi se individë të tillë nuk mund të jenë më pjesë e sistemit të shëndetësisë.“Kur flasim për punonjësit e shëndetësisë, që mision të tyre kanë ndihmën shëndetësore të njerëzve, humanizmin. Është një ngjarje e paprecedentë, jam e neveritur nga kjo histori. Të gjithë personat përgjegjës do të ndëshkohen sipas ligjit, sipas procedurave administrative. Të jetë e qartë që këta lloj njerëzish nuk mund të ndosin bluzat e bardha, këta persona nuk mund të përfaqësojnë bluzat e bardha që punojnë me profesionalizëm në të gjithë Shqipërinë. Këta persona nuk kanë vende në sistemin shëndetësor publik”,-tha ministrja Albana Koçiu.