Policia e Shtetit ka zbarkuar këtë të mërkurë në kompleksin “Equos Resort”, ku po ekzekutohet vendimi për sekuestrimin e pasurive të dyshuara të lidhura me Ergys Agasin. Sipas hetimeve, në qendër të operacionit janë disa vila brenda resortit, të cilat dyshohet se janë ndërtuar pa leje dhe më pas janë legalizuar në mënyrë të kundërligjshme, si pjesë e një skeme më të gjerë pasurish të dyshimta.